30 قىركۇيەك, 17:08 334 0 پرايمەريز انار لەپەسوۆا

پرايمەريز: اقتوبە وبلىسىندا 87 پىكىرسايىس ءوتتى

بۇگىن اقتوبە وبلىسىندا جاريا پىكىرسايىستىڭ سوڭعى لەگى ءسوز جارىستىردى. ۇمىتكەرلەر حالىقتىڭ كوكەيىندەگى ءتۇرلى ماسەلەلەردى كوتەرىلىپ، وڭتايلى شەشۋ جولدارىن ۇسىندى. ءسويتىپ، جاريا پىكىرسايىستار ءوز ويىن اشىق ايتا الا­تىن، ءتيىمدى باستامالار ارقىلى  ماسەلە­لەر شەشۋگە ىقپال ەتەتىن ناعىز ديالوگ الاڭى­نا اينالدى.

پرايمەريزگە قاتىسۋشىلاردىڭ  كوبى ءبىلىم، دەنساۋلىق، كاسىپكەرلىك سالاسىنداعى ماسەلەلەردى شەشۋگە كۇش سالعىسى كەلە­دى. ونىڭ ىشىندە ءبىلىم بەرۋ سالاسىنا جاڭاشىلدىق ەنگىزىپ، ءۇش اۋسىمدى مەكتەپتەردى جويۋعا اتسالىسقىسى كەلەتىندەر بار.  ال جاستاردىڭ اراسىنداعى جۇمىسسىزدىق پەن باسپانا تاپشىلىعىن ازايتۋ ءاربىر كانديداتتىڭ باعدارلاماسىنا ارقاۋ بولدى. سونداي-اق جول ساپاسىن جاقسارتۋعا جاڭا تەحنو­لوگيالاردى پايدالانۋ، اۋلالاردى ابات­­تاندىرۋ ماقساتىندا تىڭ ءتاجىري­بە­­­لەرىمەن بولىسكەندەر دە جوق ەمەس.

پىكىرسايىس كەزەڭىنە قاتىسىپ جاتقان ۇمىتكەرلەردىڭ كوبى ەكولوگيالىق پروبلەمالاردى كوتەردى. ولار كوگالداندىرۋ جوسپارىن، سۋ كوزدەرىن قورعاۋ جانە سۋ بالانسىن ساقتاۋ ستراتەگياسىن قۇرعاندا عانا جۇمىس جۇيەلى جۇرەتىنىن جەتكىزۋدە. تابيعاتتى قورعاۋ ءۇشىن اۋانى، سۋدى جانە جەردى ءتيىمدى پايدالانۋدى ۇسىندى.

بۇدان وزگە، مۇمكىندىگى شەكتەۋلى جاندارعا قولايلى ورتا قالىپتاستىرۋ،  تۇرمىستىق زورلىق-زومبىلىقتىڭ الدىن الۋ، سىبايلاس جەمقورلىقپەن كۇرەس، جاس مامان­داردى اۋىل­دىق جەرلەرگە تارتۋ سياقتى تاقىرىپتاردا ۇمىتكەر­لەر ءوز ويىن ورتاعا سالدى. سونىڭ ىشىندە اۋىل شارۋاشىلىعى ماسەلەلەرى، ونىڭ ىشىندە  سۋبتسيديا جايى كوبىرەك قوزعالدى.

پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ەربول داناعۇلوۆ پىكىرسايىستارعا ارنايى قاتىسىپ، قاتىسۋشىلاردىڭ ۇسىنىستارىمەن تانىستى.ۇمىتكەرلەردىڭ ءسوز سايىسىن تىڭ­دا­عاندار قاتارىندا پارتيانىڭ وبلىستىق فيليالى توراعاسى، وبلىس اكىمى  وڭداسىن ورازالين، قالالىق فيليال توراعاسى، قالا اكىمى اسحات شاحاروۆ جانە اۋداندىق فيليال توراعالارى دا بار.

– وسىعان دەيىن ۇمىتكەرلەر پارتيالاستارىمەن 5 مىڭنان استام كەزدەسۋ وتكىزىپ، ءوز باعدارلامالارىن ۇسىنعان بولاتىن. ونىڭ 4636-سى بەتپە-بەت،  595-ءسى ونلاين فورماتىندا ءوتتى. 16 جەردە 87 پىكىرسايىس ۇيىمداستىرىلدى. بۇل ولاردىڭ سايلاۋالدى باعدارلامالارىمەن مۇقيات تانىسۋعا، ءسويتىپ پارتيالاستارىمىزدىڭ دۇرىس تاڭداۋ جاساۋىنا مۇمكىندىك بەرەتىنى ءسوزسىز. ەندى الدىمىزدا پرايمەريزدىڭ جاۋاپتى كەزەڭى بار. قازىرگى تاڭدا پارتياىشىلىك سايلاۋدا داۋىس بەرەتىن 118 ورىن تولىعىمەن دايىن. داۋىس بەرۋ 76 ۋچاسكەدە ونلاين، ال 42-سىندە ءداستۇرلى تۇردە وتەدى. 285 داۋىس بەرۋ كابيناسىنا 205 كومپيۋتەر ورناتىلىپ، عالامتورمەن قامتاماسىز ەتىلدى، - دەدى ەربول داناعۇلوۆ.

 

 

سوڭعى جاڭالىقتار