30 قىركۇيەك, 16:31 431 0 نۇر وتان انار لەپەسوۆا

"Nur Otan" بالالاردى قورعاۋ ماسەلەلەرى بويىنشا جەدەل جەلىنى ىسكە قوستى

2020 جىلدىڭ 1 قىركۇيەك كۇنى "Nur Otan" پارتياسىنىڭ وتباسى، ايەلدەر ماسەلەلەرى جانە بالالاردىڭ قۇقىقتارىن قورعاۋ جونىندەگى رەسپۋبليكالىق قوعامدىق كەڭەسى جانىنداعى "111 جەدەل قىزمەتى" بايلانىس ورتالىعى ءوز جۇمىسىن باستاپ، بارلىق مەملەكەتتىك ورگاندارمەن جانە 2324 جەدەل ارەكەت ەتۋ توپتارىمەن تىكەلەي كومەك ۇيىمداستىرۋدا. بارلىق وتىنىشتەر "Nur Otan" پارتياسىنىڭ وڭىرلىك فيليالدارىنىڭ باقىلاۋىندا بولادى.

"Nur Otan" پارتياسى جانىنداعى "111 جەدەل قىزمەتى" باي̆لانىس ورتالىعى بالالار مەن ەرەسەكتەر وزدەرىنە كومەك قاجەت ەكەندىگى تۋرالى، تۇرمىستىق زورلىق-زومبىلىق، بالالاردىڭ قۇقىقتارىنىڭ بۇزىلۋى تۋرالى، بالانىڭ كوشەدە، ۇي̆دە، كولىكتە جالعىز قالعانى تۋرالى، ومىرىنە جانە دەنساۋلىعىنا قاۋىپ ءتونىپ تۇرعاندىعى، زورلىق-زومبىلىق نەمەسە قاتىگەزدىك جاسالىنعاندىعى تۋرالى حابارلاۋعا نەمەسە بىرەۋ بالالارعا قاۋىپ توندىرەتىن وبەكتىنى، مىسالى، اشىق ليۋكتى، قاۋىپتى جوعارى ۆولتتى ەلەكتر جەلىسىن، اشىق سۋ كوزىن كورگەنىن حابارلاۋ ءۇشىن اشىلدى.

  • "111" ءنومىرى - 24/7 جۇمىس ىستەيدى;
  • "111" ءنومىرى - كونفيدەنتسيالدى;
  • "111" ءنومىرى - تاۋلىك بويى ءىىد جانە وڭىرلىك جەدەل ارەكەت ەتۋ توپتارىمەن بايلانىستا;
  • ”111” ءنومىرى بالالاردىڭ، وتباسى مەن ايەلدەردىڭ قۇقىقتارىن قورعاۋعا بايلانىستى بارلىق ماسەلەلەر بويىنشا وتىنىشتەر قابىلدايدى;
  • بارلىق قوڭىراۋلار تىركەلەدى. ءاربىر قوڭىراۋ شالۋشىعا ماسەلە بويىنشا قانداي شارالار قابىلدانعانى تۋرالى كەرى بايلانىس بەرىلەدى.
  • ارقايسىمىزدىڭ بۇل تاقىرىپقا بارىنشا دەن قويۋىمىز ماڭىزدى. بالانىڭ، ايەلدەردىڭ ءومىرى مەن دەنساۋلىعىنا قاۋىپ تونگەنىنە كۇدىك تۋعان جاعدايدا تۇرمىستىق زورلىق-زومبىلىققا نولدىك توزىمدىلىك تانىتىپ، “111”-گە حابارلاۋ قاجەت.

ارقايسىمىز "111" نومىرىنە قۇقىق بۇزۋشىلىق تۋرالى دەر كەزىندە حابارلاۋ ارقىلى وتباسىنىڭ، ايەلدەر مەن بالالاردىڭ قورعاۋشىسى بولا الامىز جانە بولۋعا ءتيىسپىز.

سوڭعى جاڭالىقتار