30 قىركۇيەك, 13:47 310 0 جاھان انار لەپەسوۆا

COVID-19: ۇلىبريتانيادا رەكوردتىق كورسەتكىش تىركەلدى

وتكەن تاۋلىكتە ۇلىبريتانيادا كوروناۆيرۋستان  ادام كوز جۇمدى. بۇل سوڭعى بىرنەشە ايدىڭ ىشىندەگى ەڭ جوعارى كورسەتكىش، دەپ جازادى BBC. 

ءبىر تاۋلىك ىشىندە ەلدە 7143 ادامنان كوروناۆيرۋس انىقتالعان. بۇل –بريتانياداعى جاپپاي تەستىلەۋ باستالعاننان بەرى رەكوردتىق كورسەتكىش. ساراپشىلار كوكتەمدە اۋرۋعا شالدىققاندار سانىنىڭ ءوسىمى الدەقايدا جوعارى بولعانىن، بىراق سول كەزدە تەستىلەۋ كوبىنەسە اۋرۋدىڭ اۋىر بەلگىلەرى بولعان ادامدارعا عانا جۇرگىزىلگەنىن شامالاپ وتىر.

دجونس حوپكينس ۋنيۆەرسيتەتىنىڭ دەرەگىنشە، پاندەميا باستالعالى ۇلىبريتانيادا 448 مىڭنان استام ادام ىندەت جۇقتىردى. ەلدە قاتەرلى ۆيرۋستان 42 162 ادام قايتىس بولدى.

ال الەمدە كوروناۆيرۋس جۇقتىرعاندار سانى 33,6 ميلليوننان اسىپ جىعىلدى. ىندەت 1 ميلليوننان استام ادامنىڭ ءومىرىن جالمادى. سولتۇستىك امەريكادا – 308 مىڭنان استام ادام، وڭتۇستىك امەريكادا – 250 مىڭعا جۋىق ادام، ەۋروپادا – 221 مىڭ ادام، ازيادا – 190 مىڭ ادام قايتىس بولدى.

ەسكە سالا كەتەيىك، بۇدان بۇرىن ۇلىبريتانيادا شەكتەۋ شارالارى كۇشەيتىلگەنىن حابارلاعانبىز. ەلدەگى مەيرامحانالار ساعات كەشكى ونعا دەيىن عانا جۇمىس ىستەيدى. بارلىق مەكەمە قىزمەتكەرلەرى بەتپەردە تاعۋى ءتيىس. سونداي-اق ۇيلەنۋ تويلارىنا شاقىرۋعا رۇقسات ەتىلگەن قوناقتار سانى 15-تەن اسپاۋى ءتيىس. بۇعان دەيىن ۇلىبريتانيالىقتار توي-تومالاققا 30 ادامعا دەيىن شاقىرا الاتىن.

ەلدە كارانتين رەجيمىن بۇزعاندارعا جازا قاتاڭ. كوروناۆيرۋس جۇقتىرعانى راستالعان جانە ەكى اپتالىق وقشاۋلانۋ ەرەجەسىن بىرنەشە رەت بۇزعان ازاماتتار 10 مىڭ فۋنتقا دەيىن (13 مىڭ دوللارعا دەيىن) تولەيدى. ال التى ادامنان ارتىق جينالعاندار 1 مىڭ فۋنت ايىپپۇل ارقالايدى.

سوڭعى جاڭالىقتار