30 قىركۇيەك, 11:04 318 0 ءوندىرىس انار لەپەسوۆا

مينيستر ەلىمىزدە تاۋلىگىنە قانشا ماسكا وندىرىلەتىنىن ايتتى

مەديتسينالىق ماسكالار وندىرەتىن وتاندىق كاسىپورىندار تاۋلىك سايىن 900 مىڭ ماسكا شىعارادى. بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى. 

«بۇگىنگى كۇنى قويمالاردا 15 ملن ماسكا بار. ونىڭ ىشىنەن 10 ملن ماسكانى «سق-فارماتسيا» جشس-نا كەلىسىم نەگىزىندە جەتكىزىلۋدە. سونداي-اق كاسىپورىندار تاۋاردى جونەلتۋگە دايىن. ال مەديتسينالىق قولعاپتار ءوندىرىسى بويىنشا كۇن سايىن 330 مىڭ جۇپ قولعاپ شىعارىلادى. قويمالاردا قازىرگى كۇنى 7 ملن جۇپ قولعاپ بار. وسى جىلدىڭ قاراشاسىندا قۋاتى تاۋلىگىنە 530 مىڭ جۇپقا دەيىن ۇلعايتىلادى»، - دەدى ۆەدومستۆو باسشىسى.

ءمينيستردىڭ ايتۋىنشا، فارماتسەۆتيكا سالاسىنىڭ 33 كومپانياسى جىلىنا 3,9 ملرد تابلەتكا مەن كاپسۋلا، 922 ءدارى پرەپاراتىن وندىرەدى. پاندەميانىڭ ەكىنشى تولقىنى جاعدايىندا اتالعان كاسىپورىندار دارىلەردىڭ قاجەتتى بولىگىن قامتاماسىز ەتۋگە دايىن.

 

سوڭعى جاڭالىقتار