30 قىركۇيەك, 10:21 913 0 ءبىلىم انار لەپەسوۆا

قازاقستاندا 104 وقۋشىدان كوروناۆيرۋس انىقتالدى

جاڭا وقۋ جىلى باستالعالى بەرى ەلىمىزدە 104 وقۋشى كوروناۆيرۋس جۇقتىرعان. بۇل تۋرالى ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي مالىمدەدى.

«وقۋ جىلى باستالعالى بەرى وقۋشىلار اراسىندا كوروناۆيرۋس ينفەكتسياسىن جۇقتىرۋدىڭ 104 جاعدايى تىركەلدى. ونىڭ 33-ءى – كەزەكشى سىنىپتاردا وقيتىن بالالار. ولارمەن قارىم-قاتىناستا بولعان 550 ادام انىقتالىپ، ونىڭ ىشىندە 7 ادامنان كوروناۆيرۋس انىقتالدى. 71 بالا – قاشىقتان وقىپ ءجۇرىپ جۇقتىرىپ العان وقۋشىلار. ولارمەن قارىم-قاتىناستا بولعان 240 ادام انىقتالىپ، ىشىنەن 15 ادامنىڭ ىندەتتى جۇقتىرعانى بەلگىلى بولدى»، - دەدى مينيستر.

ەسكە سالا كەتەيىك، بۇعان دەيىن الەكسەي تسوي قازان ايىنان باستاپ باسقا ەلدەرمەن قوسىمشا اۋە قاتىناستارىن جانداندىرۋدى توقتاتا تۇرۋ قاجەتتىگىن ايتقان بولاتىن. سونداي-اق، مينيستر بۇگىنگە دەيىن اۋە قاتىناستارى رەتكە كەلتىرىلگەن ەلدەرمەن اۋە رەيستەرىن ارتتىرماۋدى، ودان بولەك تۇركيا رەسپۋبليكاسىنا رەيستەر سانىن ازايتۋدى ۇسىندى.

سوڭعى جاڭالىقتار