30 قىركۇيەك, 10:02 351 0 دەنساۋلىق انار لەپەسوۆا

كوروناۆيرۋس: شەتەلدەن كەلگەن ازاماتتاردى ەلگە كىرگىزۋ تالاپتارى كۇشەيتىلەدى

قازاقستان قازان ايىنان باستاپ باسقا ەلدەرمەن قوسىمشا اۋە قاتىناستارىن جانداندىرۋدى توقتاتۋى مۇمكىن. ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي ەلدە كوروناۆيرۋس ينفەكتسياسىنىڭ تارالۋىنا توقتاتۋ ءۇشىن وسىنداي ۇسىنىس جاسادى. 

«شەت ەلدەردە كوروناۆيرۋس ينفەكتسياسىنىڭ تاراۋى بويىنشا جاعدايدىڭ كۇردەلەنىپ بارا جاتقانىن ەسكەرە وتىرىپ، ينفەكتسيانىڭ ەل ىشىندە تارالۋىنا جول بەرمەۋ ءۇشىن 5 قازاننان باستاپ باسقا ەلدەرمەن قوسىمشا اۋە قاتىناستارىن جانداندىرۋدى توقتاتۋ ۇسىنىلادى. سونىمەن بىرگە، بۇگىنگە دەيىن اۋە قاتىناستارى رەتكە كەلتىرىلگەن ەلدەرمەن اۋە رەيستەرىن ارتتىرماۋدى، ودان بولەك تۇركيا رەسپۋبليكاسىنا رەيستەر سانىن ازايتۋدى ۇسىنامىز. ەكىنشى ساناتقا جاتاتىن مەملەكەتتەردەن كەلەتىن ادامدارعا كەلەسى تالاپتاردى مىندەتتەۋ كەرەك: تەرمومەتريا، انكەتالاۋ، كوروناۆيرۋس بويىنشا تەستتەن وتكەنى تۋرالى مەرزىمى كورسەتىلگەن انىقتاما (3 تاۋلىك بۇرىنعى). انىقتاما بولماعان جاعدايدا كەلگەن ادامدار كارانتيندىك ستاتسيونارلاردا ەكى اپتاعا دەيىن وقشاۋلانادى»، - دەدى مينيستر.

ەسكە سالا كەتەيىك، 26 قىركۇيەكتەن باستاپ نۇر-سۇلتاننان ماسكەۋگە اۋە رەيستەرى جانداندى. «Air Astana» اۋە كومپانياسىنىڭ حابارلاۋىنشا, ازىرگە بۇل رەيسكە تەك قازاقستان مەن رەسەي فەدەراتسياسىنىڭ ازاماتتارى جانە قر-دا تۇرۋعا ىقتيارحاتى بار ادامدار قابىلدانادى.

سونداي-اق، 20 قىركۇيەكتەن باستاپ قىرعىزستانعا حالىقارالىق رەيستەر قايتا جاڭارتىلدى. «Air Astana» كومپانياسىنىڭ ۇشاقتارى الماتى – بىشكەك باعىتى بويىنشا اپتاسىنا 2 رەت ۇشادى.

 

 

سوڭعى جاڭالىقتار