30 قىركۇيەك, 10:43 506 0 جاھان انار لەپەسوۆا

بۇلدىرشىندەرگە قاستاندىق جاساعان بالاباقشا تاربيەشىسى ءولىم جازاسىنا كەسىلدى

قىتايدا بالاباقشا قىزمەتكەرى ءولىم جازاسىنا كەسىلدى، دەپ حابارلايدى ريا نوۆوستي.

تسزياوتسزو قالاسىندا "مەنمەن" بالاباقشاسىندا جۇمىس ىستەگەن ۆان يۋن ەسىمدى تاربيەشى ورتا توپقا جاۋاپتى تاربيەشىمەن جانجالداسىپ قالعان. ارتىنان ارىپتەسىنەن ءوش الۋ ماقساتىندا ونىڭ توبىنا بارىپ جۇرگەن بالالاردى ۋلاۋعا شەشىم قابىلدايدى. ءسويتىپ، 2019 جىلى 27 ناۋرىزدا تاڭەرتەڭ بالالاردىڭ بوتقاسىنا ناتري ءنيتريتىن سالىپ جىبەرگەن. سول كۇنى 25 بالا ۋلانىپ، اۋرۋحاناعا ءتۇستى. بالالاردىڭ ءبىرى كوز جۇمدى.

تەرگەۋ ماتەريالدارىنا سۇيەنسەك، بۇعان دەيىن ۆان يۋنن وسى ىسپەتتى تاعى ءبىر قىلمىس جاساعان. وسىدان ءۇش جىل بۇرىن ۇيدەگى جانجالدان كەيىن ول كۇيەۋىن ۋلاعان. 2017 جىلى اقپانىندا ينتەرنەت ارقىلى ناتري نيتريتىنە تاپسىرىس بەرىپ، حيميالىق زاتتى سۋعا قوسىپ، كۇيەۋىنە بەرگەن. ەر ادام ۋلانعانىمەن، دەنساۋلىعىنا ۇلكەن قاۋىپ تونبەگەن.

تاربيەشىنىڭ ءىسىن ءجىتى زەرتتەگەن تسزياوتسزو قالاسىنىڭ ورتا ساناتتاعى حالىق سوتى ونى ءولىم جازاسىنا كەسۋ تۋرالى شەشىم قابىلدادى.

 

سوڭعى جاڭالىقتار