29 قىركۇيەك, 16:57 346 0 جاڭالىقتار اسىل تۇمار

«Nur Otan» پارتياسى پرايمەريزدىڭ تازا، اشىق ءارى ادال باسەكە بولۋىن قامتاماسىز ەتەدى

«Nur Otan» پارتياسىنىڭ پرايمەريزىنە قاتىسىپ جاتقان 734 كانديدات ساياسي دودانى جالعاستىرمايدى. بۇل تۋرالى پارتيا حاتشىسى الىبەك الدەنەي ءوزىنىڭ Facebook-پاراقشاسىندا جازدى.

ونىڭ ايتۋىنشا، پارتياىشىلىك سايلاۋدى بارىنشا اشىق ءارى ءادىل وتكىزۋ ءۇشىن قاتاڭ باقىلاۋ ورناتىلعان.

«پرايمەريز ەرەجەسىن جانە تالاپتارىن بۇزعان قاتىسۋشىلار پارتياىشىلىك سايلاۋدان شىعارىلدى. 29 قىركۇيەكتەگى جاعداي بويىنشا 734 كانديدات پرايمەريزگە قاتىسپايدى. ونىڭ 668-ءى ءوز قالاۋىمەن باس تارتسا، 27 ۇمىتكەر دەباتقا قاتىسۋدان باس تارتقانى ءۇشىن شەتتەتىلدى. تاعى 4 كانديدات پارتيا جارلىعىنىڭ تالاپتارىن بۇزىپ، ادىلەتسىز ساياسي كۇرەس جۇرگىزگەن. 33 قاتىسۋشىنىڭ كانديداتۋراسىن باستاۋىش پارتيا ۇيىمدارى كەرى قايتاردى»، – دەپ جازدى پارتيا حاتشىسى.

ءا.الدەنەي ءاربىر شاعىم مەن ارىز مۇقيات تەكسەرىلىپ، ەرەجە بۇزعان جاعداي تىركەلسە شۇعىل شارا قولدانىلاتىنىن ايتتى.

سوڭعى جاڭالىقتار