29 قىركۇيەك, 15:56 345 0 جاڭالىقتار اسىل تۇمار

پرايمەريز جاڭا كوشباسشىلاردىڭ اعىنى ءۇشىن سۇزگى بولماق – قازىبەك شايح

پرايمەريز – بۇل كۇش-قۋات! الماتىلىق عالىم جانە «قر بەيبىتشىلىك قورى» توراعاسى قازىبەك شايح «Nur Otan» پارتياسى الماتى قالالىق فيليالىنىڭ سايلاۋالدى باعدارلاماسىنىڭ جوباسىن تانىستىرۋدان كەيىن وسىنداي قورىتىندىعا كەلدى.

جوبا ەلباسىنىڭ 5 ينستيتۋتسيونالدىق رەفورماسىنا، مەملەكەت باسشىسىنىڭ «جاڭا جاعدايداعى قازاقستان: ءىس-قيمىل كەزەڭى» جولداۋى مەن «الماتى-2050» دامۋ ستراتەگياسىنا نەگىزدەلگەن. وعان كەزدەسۋدىڭ تاعى ءبىر قاتىسۋشىسى – مەديا-ساراپشى، تەلەديدار پروديۋسەرى جانە جازۋشى ۆيكتور ەليسەەۆ تە قوسىلدى.

ەكى قاتىسۋشى دا ءوز پىكىرلەرىمەن جەكە اككاۋنتتارىندا ءبولىستى. ساراپشىلار كەلەسى باسىمدىقتارعا نازار اۋداردى.

1. ەلدە وزگەرىستەر مەن جاڭا تۇلعالارعا قۋاتتى سۇرانىس بار. پرايمەريز جاڭا كوشباسشىلاردىڭ اعىنى ءۇشىن سۇزگى رەتىندە ويلاستىرىلعان.

2. ءوزىن وزگەرتە الاتىن پارتيا ەلدى وزگەرتە الادى.

3. پرايمەريز ناتيجەلەرى بويىنشا داۋىس بەرۋ اشىق جانە تەحنولوگيالىق جاعىنان ءمىنسىز وتەدى. قازىردىڭ وزىندە 10 مىڭ بىررەتتىك قوسىلىمعا سترەسس-تەست جۇرگىزىلدى. جۇيە مىقتىلىعىن كورسەتتى. دەرەكتەردىڭ كوشىرىلۋى بىردەن 4 وڭىرلىك IT ورتالىقتا جۇزەگە اسادى.

4. ءسىز تەك «Nur Otan» مۇشەلەرىنە جانە تەك ءبىر IP مەكەنجايدان داۋىس بەرە الاسىز. ياعني، ەگەر پاتەردە بىرنەشە پارتيا مۇشەسى تۇرسا، وندا WiFi-دان بولەك ءموبيلدى ينتەرنەتتى پايدالانۋعا تۋرا كەلەدى.

5. پرايمەريز كەزىندە «Nur Otan» پارتيانىڭ سايلاۋالدى تۇعىرناماسىنا كىرەتىن جۇزدەگەن يدەيالاردى جيناي الدى جانە جۇزدەگەن ادامداردى – وڭىرلەردىڭ جاڭا ساياسي جۇلدىزدارىن انىقتاي الدى.

6. الماتى قالاسى پرايمەريزدى قولدايدى.

7. كوروناۆيرۋس قالا ەكونوميكاسىنا قاتتى سوققى بەردى. قالا اكىمشىلىگى قالاداعى ەكونوميكالىق پروتسەستەردى قالپىنا كەلتىرۋ جانە دامىتۋ تەتىكتەرى بويىنشا جۇمىس ىستەيدى.

8. الماتىدا ەڭ باستى ماسەلەلەر – حالىقتى الەۋمەتتىك قورعاۋ، جۇمىسپەن قامتۋ جانە قالا حالقىنىڭ تابىسىن ارتتىرۋ.

قوعام پارتيانىڭ الماتى قالالىق فيليالىنىڭ پرايمەريز پروتسەسىن ۇيىمداستىرۋداعى جانە وتكىزۋدەگى بەلسەندىلىگىن اتاپ ءوتتى: ءبىر ورىنعا 8 ۇمىتكەر، قىزىقتى پىكىرتالاستار، باق-تىڭ كوپتۇرلىلىگى، كانديداتتاردىڭ بەلسەندىلىگى.

سوڭعى جاڭالىقتار