29 قىركۇيەك, 13:44 10164 0 جاڭالىقتار اسىل تۇمار

نۇر-سۇلتاندا قاتاڭ كارانتين شارالارى قايتا كۇشىنە ەنۋى مۇمكىن

نۇر-سۇلتان قالاسىنىڭ باس سانيتارلىق دارىگەرى جاننا پراليەۆا كوروناۆيرۋسقا قاتىستى تالاپتار ساقتالماسا، وندا قاتاڭ كارانتيندىك شارالاردىڭ قايتا قابىلدانۋى مۇمكىن ەكەنىن ايتتى.

«ەسەپتى كەزەڭدە فارماتسەۆتيكالىق كومپانيالار قىزمەتىنىڭ مونيتورينگى ناتيجەلەرى بويىنشا 102 سۋبەكت تىركەلمەگەن دارىلىك پرەپاراتتى ساتۋ جانە ءدارى-دارمەكتەرگە بەلگىلەنگەن شەكتى رۇقسات ەتىلگەن باعادان اسىپ كەتۋ فاكتىلەرى بويىنشا اكىمشىلىك جاۋاپكەرشىلىككە تارتىلدى»، – دەدى ول ءباسپاسوز ءماسليحاتىندا.

سونىمەن قاتار ول دارىگەرلەر مەن ماماندار بىرنەشە رەت تۇرعىنداردى بەتپەردە تاعۋ، الەۋمەتتىك قاشىقتىقتى ساقتاۋ، ادامدار كوپ جينالاتىن جەرلەرگە بارۋدى شەكتەۋ تۋرالى قاراپايىم تالاپتاردى ورىنداۋعا ۇندەۋ جاساعانىن اتاپ ءوتتى.

«بىراق ءبارىمىز كورىپ وتىرعانىمىزداي، بۇل تالاپتار ەلەنبەيدى جانە ساقتالمايدى. ەگەر وسىلاي جالعاسا بەرسە، جالپى قالا بويىنشا كۆي اۋرۋىنىڭ وسۋىنە اكەلۋى مۇمكىن. ءبىز بەلگىلى ءبىر قىزمەت تۇرلەرىن توقتاتا وتىرىپ، قاتاڭ شەكتەۋ جانە كارانتين شارالارىن قايتا ەنگىزۋگە ءماجبۇر بولامىز. وسىعان بايلانىستى تاعى دا قالا تۇرعىندارى مەن قوناقتارىن شىدامدىلىققا، سانيتارلىق ەرەجەلەردى ساقتاۋعا شاقىرامىن. سەبەبى ۆيرۋستىڭ تارالۋى جالعاسۋدا»، –دەدى پراليەۆا.

 

سوڭعى جاڭالىقتار