28 قىركۇيەك, 17:55 405 0 جاڭالىقتار اسىل تۇمار

تۇرعىنداردىڭ سالىق قارىزى 60 ملن تەڭگەدەن اسقان

قوستاناي قالاسىنىڭ تۇرعىندارىنىڭ سالىق قارىزى 60 ملن تەڭگەدەن استى. بۇل تۋرالى قوستاناي وبلىسىنىڭ جەكە سوت ورىنداۋشىلارى وڭىرلىك پالاتاسى مالىمدەدى.

سالىق تولەمەي جۇرگەندەردىڭ دەنى – اۆتوكولىك يەلەرى. ولار 34 ملن تەڭگە سالىق سوماسىن تولەمەي، سوت ورىنداۋشىلاردان قاشىپ ءجۇر. سونىمەن قاتار مۇلىك سالىعى 24 ملن تەڭگەدەن اسسا، قوستانايلىقتاردىڭ مەملەكەتتىك قازىناعا قارىزى 5 ملن تەڭگەگە جەتكەن.

«مەملەكەتتىك كىرىستەر باسقارماسىنىڭ وكىلدەرى مەن سوت ورىنداۋشىلارى بورىشكەرلەردىڭ ۇيلەرىنە رەيد جۇرگىزە باستادى. ءبىز سالىق تولەۋدەن جالتارىپ جۇرگەندەردى ىزدەيمىز. قارىزى بار ادامداردىڭ سانى مىڭعا جەتتى، ال سالىق بەرەشەگىنىڭ سوماسى 60 ملن تەڭگەدەن اسىپ كەتتى. ەگەر سالىق تولەۋ تۋرالى حابارلاما الىپ، ونى تولەمەگەندەر مۇلىكتەرىنەن ايىرىلۋى مۇمكىن. تۇرعىنداردىڭ نازارىن وسى ماسەلەگە اۋدارعىمىز كەلەدى، ال سالىقتى مۇلدە تولەمەيتىندەر سوت الدىنا بارادى»، – دەدى قوستاناي وبلىسىنىڭ جەكە سوت ورىنداۋشىلارى وڭىرلىك پالاتاسىنىڭ باسشىسى نەسىبەلى باسەنوۆا.

سوت ورىنداۋشىلار سالىق تولەۋشىلەرگە جەڭىلدىكتەردىڭ قاراستىرىلعانىن ايتادى. الداعى ءۇش ايدا ەلىمىزدە سالىقتىق راقىمشىلىق جۇرەدى. نەگىزگى قارىز سوماسىن تولەگەن ادامداردىڭ ءوسىمپۇلى تولىعىمەن ەسەپتەن شىعارىلادى.

سوڭعى جاڭالىقتار