27 قىركۇيەك, 18:32 424 0 جاڭالىقتار اسىل تۇمار

ەلوردادا تۇڭگى كلۋبتىڭ اكىمشىسى قاماۋعا الىندى

ەلوردادا تۇنگى كلۋبتىڭ اكىمشىسى كارانتيندى بىرنەشە رەت بۇزعانى ءۇشىن قاماۋعا الىندى، – دەپ حابارلادى Polisia.kz.

تۇنگى ساعات 1: 35-تە اكىمشىلىك ۋچاسكەنى اينالىپ ءوتۋ كەزىندە نۇر-سۇلتان قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتى قىزمەتكەرلەرى «الانيا» تۇنگى كلۋبىندا كارانتيننىڭ بۇزىلعانىن انىقتادى.

پوليتسيا قىزمەتكەرلەرى تۇنگى كلۋبقا كىرگەن كەزدە قازىرگى كەزدەگى تىيىمعا قاراماستان 30-عا جۋىق جاس كوڭىل كوتەرىپ جۇرگەن.

بۇعان دەيىن 25 جاستاعى تۇنگى كلۋب اكىمشىسىنە بىرنەشە رەت ەسكەرتۋ جاسالىپ، قر اكىمشىلىك قۇقىق بۇزۋشىلىق تۋرالى كودەكس بويىنشا اكىمشىلىك جاۋاپكەرشىلىككە تارتىلعان، بىراق ول مەكەمە قىزمەتىن جالعاستىرا بەرگەن.

اتالعان فاكت بويىنشا تۇنگى كلۋب اكىمشىسىنە قاتىستى اكىمشىلىك ماتەريال قوزعالىپ، ول نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىندا قارالىپ، كىنالى دەپ تانىلدى جانە ءبىر تاۋلىككە قاماۋعا الىندى.

ەرەجەنى قايتالاپ بۇزعانى ءۇشىن جينالعان ماتەريال «الماتى» اۋدانى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جاۋاپكەرشىلىككە تارتۋ ءۇشىن جىبەرىلدى.

نۇر-سۇلتان قالالىق پوليتسيا دەپارتامەنتى ازاماتتارعا ويىن-ساۋىق ورىندارىندا بولۋ كەزىندە ينفەكتسيا قاۋپى جوعارى ەكەنىن ەسكەرتەدى.

سونىمەن قاتار، كارانتين شارالارىن بۇزۋشىلار قولدانىستاعى زاڭناماعا سايكەس جاۋاپقا تارتىلادى.

سوڭعى جاڭالىقتار