27 قىركۇيەك, 17:43 351 0 جاڭالىقتار اسىل تۇمار

جامبىل وبلىسىندا ەتنواۋىل سالىنادى

بۇل تۋرالى وڭىرلىك ءتۋريزمدى دامىتۋ جانە وسى باعىتتا كەزدەسىپ وتىرعان ماسەلەلەردى تالقىلاۋعا نەگىزدەلگەن جيىن بارىسىندا ايتىلدى.

وندا  «كوكساي» ەتنواۋىلىنىڭ جوباسى تانىستىرىلىپ، كوكساي شاتقالىنان دەمالىس ورنىن اشقالى وتىرعان قوجالىق وكىلى نۇرمۇحاممەد يساكوۆ اتقارىلىپ جاتقان جۇمىستارعا توقتالدى.

«ءوزىمىزدىڭ جەكە ينۆەستورلىق ەسەبىمىزدەن اشقالى وتىرعان دەمالىس ورىنىنا كيىز ۇيلەر ورناتىپ قويدىق. سول سەكىلدى بىرقاتار جۇمىستار جۇرگىزىلدى. كارانتين شەكتەۋلەرى الىنعان ۋاقىتتا دەمالۋعا ايىنا 2 جارىم مىڭ ادام كەلدى. ەگەر جوبا تولىعىمەن جۇزەگە اسقان جاعدايدا 80-100 ادامدى جۇمىسپەن قامتيمىز. ول جەردە 2 قوناقۇي جانە سپورت كەشەنى، ساياجايلار بولادى. جىلدىڭ ءتورت مەزگىلىندە دە جۇمىس ىستەۋدى كوزدەپ، جازدا باسسەيندەرمەن قاتار، قىستا شاڭعى تەبۋ، سىرعاناق الاڭىن دا جۇزەگە اسىرماقپىز. جاياۋ سەرۋەنمەن قوسا، اتپەن سەرۋەن جاساۋدى دا ۇيىمداستىرامىز. بىزگە ەندىگى كەرەگى – 18 شاقىرىم جولعا اسفالت توسەپ، گاز جۇرگىزىپ بەرسە دەيمىز. باسقا ينفراقۇرىلىمنىڭ ءبارىن ءوزىمىز جاساپ جاتىرمىز»، – دەدى ن.يساكوۆ.

ونىڭ ايتۋىنشا، بۇل جوبا تۋريستەرگە تەك دەمالىس ۇيىمداستىرىپ بەرۋمەن شەكتەلمەي، ۇلتتىق بولمىسىمىزدى دا ايشىقتاماق.

سوڭعى جاڭالىقتار