27 قىركۇيەك, 11:23 361 0 جاڭالىقتار اسىل تۇمار

اتىراۋ قالاسىن كوگالداندىرۋعا 4,69 ملرد تەڭگە جۇمسالادى

اتىراۋ قالالىق اكىمدىگى ءباسپاسوز قىزمەتىنىڭ مالىمەتىنشە، مەملەكەتتىك-جەكەشەلىك ارىپتەستىك باعدارلاماسى اياسىندا قالانى كوگالداندىرۋ جۇمىستارىن جەكە سەرىكتەسكە بەرۋ تۋرالى شەشىم قابىلداندى.

«جوبانى ىسكە اسىرۋ مەرزىمى – 5 جىل، جالپى سوماسى – 4,69 ملرد تەڭگەدەن استام. بيىل «اتىراۋ قالاسىن كوگالداندىرۋ» مەملەكەتتىك-جەكەشەلىك ارىپتەستىك جوباسى اياسىندا 375 مىڭ گۇل ەگىلدى. سونداي-اق قالانىڭ 38 كوشەسىندە، 15 ساياباعى مەن الاڭىندا ەگىلگەن وسكىندەرگە، اعاشتارعا، الاڭى 40 612 شارشى مەتر گۇلزارلارعا، بۇتالى قورشاۋلارعا كۇتىم جاسالادى. سورعى ستانتسيالارى مەن سۋارۋ جۇيەلەرىنە كەزەڭ-كەزەڭىمەن اعىمداعى جوندەۋ جۇرگىزىلۋدە. قالا تاريحىن قالپىنا كەلتىرۋ ماقساتىندا 1,5 گا الاڭدا «سۋتياگين باعى» اتالاتىن جەمىس باعى جانداندى. جەڭىس ساياباعى اۋماعىندا جەمىس اعاشتارى ەگىلدى. قازىر ونىڭ 900-ءى تامىر جايدى»، – دەپ حابارلادى قالالىق اكىمدىكتىڭ ءباسپاسوز قىزمەتى.

بيىل قالانىڭ ەڭ ءىرى 12 كوشەسىندە 200 شاقىرىم سۋارۋ جەلىسىن اياقتاۋ جوسپارلانىپ وتىر.

 

سوڭعى جاڭالىقتار