27 قىركۇيەك, 10:37 827 0 جاڭالىقتار اسىل تۇمار

پوليتسيا بالالار ۇيىنەن قاشىپ كەتكەن جەتكىنشەكتەرگە ىزدەۋ سالادى

باتىس قازاقستان وبلىسىندا بالالار اۋىلىنىڭ ەكى تاربيەلەنۋشىسى جوعالىپ كەتتى، – دەپ حابارلايدى وبلىستىق پوليتسيا دەپارتامەنتى.

25 قىركۇيەك كۇنى ورال قالاسى زاچاگان كەنتىنىڭ پوليتسيا كەزەكشى بولىمىنە وبلىستىق بالالار اۋىلىنىڭ باسشىلىعى شاعىمدانىپ كەلگەن.

كامەلەت جاسىنا تولماعان ەكى جەتكىنشەك اۋىلدان قاشىپ كەتكەن. ولار – 2005 جىلى 19 مامىردا تۋعان سەرگەي تايشەۆ جانە 2006 جىلى 10 قىركۇيەكتە دۇنيەگە كەلگەن يليا شكانوۆ.

سەرگەيدىڭ بويى – 160-165 سم، شاشىنىڭ ءتۇسى – اقشىل سارى. ۇستىندە قارا ءتۇستى سپورت جەيدەسى، كوكشىل فۋتبولكا، كوك دجينسى، اياعىندا قارا كروسس بولعان. يليانىڭ بويى – 158-160 سم، ارىقشا كەلگەن، كوزىنىڭ ءتۇسى – قارا، شاشى قىسقا قىرقىلعان، قارا ءتۇستى. ۇستىندە اق كويلەك، كۇڭگىرت كوك ءتۇستى شالبار، قارا تۋفلي بولعان.

ولار 24 قىركۇيەك تاڭعى ساعات 10:00 شاماسىندا ورال قالاسىنداعى بالالار اۋىلىنان شىعىپ كەتكەننەن قايتىپ ورالماعان.

بالالار جايلى قانداي دا ءبىر مالىمەت بىلەتىن جاندار مىنا نومىرلەر ارقىلى ورال قالالىق پوليتسيا بولىمىنە حابارلاسا الادى: (8-7112) 21-17-19, 28-33-96, 92-18-04, 98-44-53 نەمەسە 102.

 

سوڭعى جاڭالىقتار