26 قىركۇيەك, 18:51 380 0 جاڭالىقتار اسىل تۇمار

جەمقورلىققا قارسى اگەنتتىك امسق قىزمەتىنە تالداۋ جۇرگىزەدى

قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى وسى جىلدىڭ 1-30 قازانى ارالىعىندا الەۋمەتتىك مەديتسينالىق ساقتاندىرۋ قورىنىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزەدى، – دەپ حابارلادى سىبايلاس جەمقورلىققا قارسى قىزمەتتىڭ Telegram-داعى ارناسى.

«تالدانىپ وتىرعان سالا تۇرعىندار ءۇشىن وزەكتى ەكەندىگىن ەسكەرە وتىرىپ، الەۋمەتتىك مەديتسينالىق ساقتاندىرۋ قورىنىڭ قۇزىرەتىنە كىرەتىن بەلگىلى اكىمشىلىك كەدەرگىلەر، سونداي-اق سىبايلاس جەمقورلىققا سەبەپ بولاتىن جاعدايلار مەن اقپاراتتاردى b.aitbaev@anticorruption.gov.kz, tolybekov.n@anticorruption.gov.kz ەلەكتروندى پوشتاسىنا جانە 8-778-672-44-01 WhatsApp بايلانىس نومىرىنە جىبەرۋدى سۇرايمىز. بۇل اقپارات سىبايلاس جەمقورلىق تاۋەكەلدەرىن جويۋ بويىنشا ۇسىنىستار ازىرلەۋ ءۇشىن پايدالانىلاتىن بولادى»، – دەپ اتاپ وتكەن سىبايلاس جەمقورلىققا قارسى قىزمەت.

ەگەر ءسىز سىبايلاس جەمقورلىق فاكتىلەرى تۋرالى حاباردار بولساڭىز، ءسىز 1424 تاۋلىك بويى بايلانىس ورتالىعىنا حابارلاسا الاسىز.

 

سوڭعى جاڭالىقتار