26 قىركۇيەك, 18:42 545 0 نۇر وتان اسقار اxمەتقازى

«Nur Otan»-نىڭ پارتيالىق باقىلاۋ كوميتەتى پرايمەريز وتكىزۋ كەزىندە پارتيالىقتاردىڭ دەرەكتەرىن بۇرمالاۋ ماقساتىنداعى ارەكەتتىڭ جولىن كەستى

قازاقستان رەسپۋبليكاسىنىڭ تۇڭعىش پرەزيدەنتى – ەلباسى، «Nur Otan» پارتياسىنىڭ توراعاسى ن.ءا. نازارباەۆتىڭ پرايمەريز وتكىزۋ پروتسەسىنىڭ ايقىندىعىن قامتاماسىز ەتۋ جانە بارلىق قاتىسۋشىعا تەڭ جاعداي جاساۋ جونىندەگى تاپسىرماسىن ورىنداۋ ماقساتىندا پارتيالىق باقىلاۋ كوميتەتى پارتيالىقتاردىڭ دەرەكتەرىن «Nur Otan» مۇشەلەرىنىڭ ورتالىق ەسەپكە الۋ دەرەكتەر بازاسىنداعى اقپاراتپەن سالىستىرىپ تەكسەرۋدى باستادى.

تەكسەرىس نۇر-سۇلتان قالاسى الماتى اۋداندىق فيليالىندا جانە بايقوڭىر اۋدانىنداعى «ازيا تسەنتر سناب» جشس-ندەگى باستاۋىش ۇيىمىندا جاپپاي بۇرمالاۋشىلىقتاردى انىقتادى.

مىسالى، الماتى اۋداندىق فيليالى 2020 جىلعى 23-24 قىركۇيەكتە «Nur Otan»-نىڭ دەرەكتەر بازاسىندا
1221 پارتيالىقتىڭ ءموبيلدى تەلەفون نومىرلەرىن اۋىستىرعان. ەنگىزىلگەن نومىرلەردىڭ باسقا ادامدارعا تيەسىلى ەكەندىگى ايقىندالدى.

اتالعان باستاۋىش ۇيىمىندا پارتيا جارعىسىن جانە پارتياعا مۇشەلىككە قابىلداۋ ءتارتىبى تۋرالى نۇسقاۋلىقتى بۇزۋ فاكتىلەرى انىقتالدى. اتاپ ايتقاندا، جشس قىزمەتكەرى دەپ مالىمدەنىپ، قىركۇيەكتە قابىلدانعان بپۇ-نىڭ 3 116 مۇشەسىنىڭ باسىم بولىگى باسقا ۇيىمداردا، ءتىپتى باسقا وڭىرلەردە جۇمىس ىستەيدى. قوڭىراۋ شالۋ بارىسىندا ولاردىڭ كوپشىلىگى وزدەرىنىڭ پارتيا مۇشەسى ەكەنىن بىلمەيتىندىكتەرى بەلگىلى بولدى، نومىرلەردىڭ كوپشىلىگى باسقا نومىرگە سىلتەيدى، ال تەلەفونعا ءبىر ادام جاۋاپ بەرەدى.

پارتيا فيليالىنىڭ باسشىلىعى جانە نۇر-سۇلتان قالاسى بويىنشا پرايمەريز وتكىزۋ جونىندەگى ۇيىمداستىرۋ كوميتەتى پارتيالىق باقىلاۋ كوميتەتىنىڭ ۇسىنىمىن باسشىلىققا الا وتىرىپ، جوعارىدا اتالعان فاكتىلەر بويىنشا كەلەسى شەشىمدەر قابىلدادى.

پارتيانىڭ الماتى اۋداندىق فيليالى توراعاسىنىڭ ءبىرىنشى ورىنباسارى م.بولىسبەك پرايمەريز كانديداتى رەتىندە تىركەۋدەن الىنىپ تاستالسىن جانە وعان قاتاڭ سوگىس جاريالانسىن. سونىمەن ءبىر مەزەتتە قالالىق فيليال قوسىمشا تەكسەرىس جۇرگىزسىن جانە دەرەكتەر بازاسىنا بۇكىل پارتيالىقتار بويىنشا دۇرىس دەرەكتەر ەنگىزسىن.

«توو ازيا تسەنتر سناب» بپۇ تاراتىلىپ، جاڭادان قابىلدانعان 3116 مۇشە پارتيادان شىعارىلسىن. بپۇ باسشىسى ۋ.اليەۆ پەن پارتيا مۇشەسى د.پەرنەەۆ پرايمەريزگە كانديدات رەتىندە تىركەۋدەن شىعارىلسىن.

پرايمەريز وتكىزۋ بويىنشا ورتالىق ۇيىمداستىرۋ كوميتەتى «Nur Otan» پارتياسىنىڭ پارتياىشىلىك سايلاۋدىڭ بارلىق قاتىسۋشىسى ءۇشىن بىردەي قۇقىق بەرۋدى جاقتايتىنىن اتاپ كورسەتتى. پرايمەريز جەڭىمپازدارى تۇبەگەيلى ءادىل جانە باسەكەلەس داۋىس بەرۋ قورىتىندىسى بويىنشا انىقتالۋى ءتيىس. پارتيالىقتاردى داۋىس بەرۋ قۇقىعىنان ايىرۋعا ەشكىمنىڭ دە قاقىسى جوق.

پرايمەريز وتكىزۋ ەرەجەسىن قانداي دا ءبىر بۇزۋشىلىق بويىنشا 8 (800) 080 4441 جەدەل جەلىسىنە (قوڭىراۋ شالۋ تەگىن) نەمەسە komek@nurotan.kz ەلەكتروندى پوچتاسى بويىنشا حابارلاسۋعا بولادى. كەلىپ تۇسكەن بارلىق ارىزدى پارتيالىق باقىلاۋ كوميتەتى جان-جاقتى قاراستىرادى. كىنالىلەرگە پارتيادان شىعارۋعا دەيىن بارىنشا قاتاڭ شارا قولدانىلاتىن بولادى.

سوڭعى جاڭالىقتار