26 قىركۇيەك, 14:43 1760 0 جاڭالىقتار اسىل تۇمار

بىرقاتار جولاۋشىلار پويىزىنىڭ كەستەسىنە وزگەرىس ەندى

ەلىمىزدە كەيبىر جولاۋشىلار پويىزدارىنىڭ ءجۇرۋ مەزىمدىلىگى ارتتىرىلدى، – دەپ حابارلايدى «جولاۋشىلار تاسىمالى» اق ءباسپاسوز قىزمەتى.

اتاپ ايتقاندا، تومەندە كورسەتىلگەن جولاۋشىلار پويىزدارىنىڭ ءجۇرۋ مەرزىمدىلىگى ارتتى:

1) №1/2 «الماتى-2 – شىمكەنت» اپتاسىنا 1 رەتتەن 3 رەتكە دەيىن، الماتى-2 -دەن 2020 جىلدىڭ 10 قازانىنان باستاپ، ال شىمكەنتتەن 2020 جىلدىڭ 11 قازانىنان باستاپ شىعاتىن بولدى;

2) №11/12 «الماتى-2 – شىمكەنت» اپتاسىنا 2 رەتتەن 4 رەتكە دەيىن، الماتى-2-دەن 2020 جىلدىڭ 13 قازانىنان باستاپ، ال شىمكەنتتەن 2020 جىلدىڭ 14 قازانىنان باستاپ جۇرەدى;

3) №31/32 «الماتى-2 – پاۆلودار» 2020 جىلدىڭ 11 قازانىنان باستاپ الماتىدان، 2020 جىلدىڭ 12 قازانىنان باستاپ پاۆلوداردان كۇن سايىن جونەلتىلەدى;

4) №603/604 «نۇر – سۇلتان نۇرلى جول – ارقالىق» 2020 جىلدىڭ 2 قاراشاسىنان باستاپ نۇر-سۇلتاننان، 2020 جىلدىڭ 3 قاراشاسىنان باستاپ ارقالىقتان كۇن سايىن جۇرەتىن بولادى.

جولاۋشىلار پويىزدارىنىڭ قوزعالىس كەستەسى بويىنشا بارلىق اقپاراتتى «105» ءنومىرى ارقىلى الۋعا بولادى.

ۇلتتىق تاسىمالداۋشى جولاۋشىلاردان جول ءجۇرۋ قۇجاتتارىن ونلاين، سونىڭ ىشىندە رەسمي BILET.RAILWAYS.KZ سايتى ارقىلى رەسىمدەۋلەرىن، جولاۋشىلاردان سانيتارلىق-كارانتيندىك تالاپتاردى، الەۋمەتتىك قاشىقتىقتى (كەمىندە 1 مەتر), ۆوكزال اۋماعىندا جانە پويىز ىشىندە بەتپەردە رەجيمىن قاتاڭ ساقتاۋلارىن سۇرايدى.

سونداي-اق، ساپارعا شىعار كۇنى بيلەتتەر بولماعان جاعدايدا، «كۇتۋ پاراعى» اتتى تەگىن قىزمەتتى پايدالانۋعا بولاتىنىن ەسكە سالادى.

 

سوڭعى جاڭالىقتار