26 قىركۇيەك, 11:27 400 0 جاڭالىقتار اسىل تۇمار

مەملەكەت باسشىسى ۇعا پرەزيدەنتى مۇرات جۇرىنوۆتى قابىلدادى

قاسىم-جومارت توقاەۆتىڭ الماتىداعى رەزيدەنتسياسىندا وتكەن كەزدەسۋ بارىسىندا قازاقستان عىلىمىن دامىتۋعا، وتاندىق ازىرلەمەلەردى وندىرىسكە ەنگىزۋگە، سونداي-اق، عىلىمي زەرتتەۋلەردىڭ ەكونوميكالىق تۇرعىدان ماقساتقا سايكەستىگىنە قاتىستى ماسەلەلەر تالقىلاندى، – دەپ حابارلايدى اقوردا.

ۇلتتىق عىلىم اكادەمياسىنىڭ پرەزيدەنتى مەملەكەت باسشىسىنىڭ ادامي كاپيتالدى قولداۋعا، ءبىلىم مەن عىلىم سالاسىنا ينۆەستيتسيا تارتۋعا، ەكونوميكانىڭ تەحنولوگيالىق جانە باسەكەگە قابىلەتتىلىك مۇمكىندىگىن ارتتىرۋعا بايلانىستى جولداۋدا ايتقان باستامالارىن قولدايتىنىن جەتكىزدى.

قازاقستان پرەزيدەنتى وتاندىق ءىرى وندىرۋشىلەردىڭ جۇمىستارىنا عىلىمي قولداۋ كورسەتۋدىڭ ماڭىزدىلىعىن اتاپ ءوتتى. ونىڭ پىكىرىنشە، عالىمدار مەن بيزنەس وكىلدەرىنىڭ تىعىز ىقپالداستىعى يننوۆاتسيالاردى ەنگىزىپ، ەكونوميكالىق ءوسىمدى قامتاماسىز ەتۋ ءۇشىن جاڭا مۇمكىندىكتەرگە جول اشادى. جالپى عىلىم ەلىمىزدىڭ ەكونوميكاسىنا قىزمەت ەتۋگە ءتيىس.

سوڭعى جاڭالىقتار