26 قىركۇيەك, 10:35 376 0 جاڭالىقتار اسىل تۇمار

«سىر انا» مونۋمەنتى قايتا جاڭارتىلدى

قىزىلوردادا قالا كۇنى مەرەكەسى اياسىندا «سىر انا» مونۋمەنتىنە قايتا جاڭعىرتۋ جۇمىستارى جۇرگىزىلدى. 

مەرەكەلىك باعدارلاما اياسىندا وبلىس اكىمى گۇلشارا ابدىقالىقوۆا مەن قالا اكىمى نۇرلىبەك نالىباەۆ قايتا جاڭعىرتۋدان وتكەن «سىر انا» مونۋمەنتىنە باردى. ايماق باسشىسى قايتا جاڭعىرتۋ جۇمىستارىنىڭ ناتيجەسىمەن تانىستى، قالا تۇرعىندارىنا ارنايى قۇتتىقتاۋ ءسوزىن جولدادى.

«بيىل قىزىلوردا قالاسىنىڭ 202 جىلدىعىن اتاپ وتۋدەمىز. وبلىس ورتالىعى كۇننەن كۇنگە كوركەيىپ كەلەدى. دەموگرافيالىق وسۋمەن قاتار قالانىڭ اۋماعى دا كەڭەيە ءتۇستى. جاڭادان شاعىن اۋداندار بوي كوتەردى. سىرداريا وزەنىنىڭ سول جاعالاۋى دا قارقىندى دامىپ كەلەدى» – دەدى وبلىس اكىمى.

مونۋمەنت اۋماعى «جۇمىسپەن قامتۋ جول كارتاسىنا» ساي جاڭعىرتۋدان وتكەن. مۇندا 3 مىڭنان اسا شارشى مەتر جەر كوگالداندىرىلعان. اعاش كوشەتتەرى ەگىلىپ، كوگال توسەلدى. مونۋمەنت ماڭىنداعى جاياۋ جۇرگىنشىلەر جولى جاڭارتىلىپ، 2 سپورتتىق ويىن الاڭى سالىنعان. زاماناۋي ۇلگىدەگى 2 سۋبۇرقاق ەل يگىلىگىنە بەرىلدى. 2012 جىلى بوي كوتەرگەن اسەم عيمارات اجارى وسىلايشا ايشىقتالا ءتۇستى. كەشەن قالا تۇرعىندارى مەن قوناقتارىنىڭ ءجيى باراتىن دەمالىس ورنىنا اينالدى. قالا كۇنىندە بالالار ويىن الاڭى دا پايدالانۋعا بەرىلدى. بۇل ورىن پانفيلوۆ كوشەسى بويىندا ورنالاسقان. مۇندا سپورتتىق جاتتىعۋعا ارنالعان قۇرال-جابدىقتار مەن فۋتبول الاڭى سالىنعان. ءوز كەزەگىندە كوپبالالى انا تاماشا ابىلقاسىموۆا تۇرعىندار اتىنان العىس ايتتى. وسىلايشا بالالاردىڭ ۋاقىتىن ءتيىمدى ءارى قاۋىپسىز وتكىزۋگە مۇمكىندىك جاسالدى.

 

سوڭعى جاڭالىقتار