25 قىركۇيەك, 18:27 1376 0 جاڭالىقتار اسىل تۇمار

«قىزىلوردا-الماتى» باعىتىنداعى ۇشاق شىمكەنتكە شۇعىل قوندى

«قىزىلوردا - الماتى» باعىتىنداعى Air Astana رەيسى شىمكەنتكە شۇعىل قونۋعا ءماجبۇر بولدى.

وقىس وقيعاعا بايلانىستى Air Astana كومپانياسى تۇسىنىك بەردى.

«2020 جىلعى 25 قىركۇيەكتە «Air Astana» اق اۋەكومپانياسىنىڭ تىركەۋ ءنومىرى ر4HA E290 اۋە كەمەسى (ەمبراەر-190) «قىزىلوردا - الماتى» باعىتى بويىنشا KZR 986 رەيسىمەن ۇشىپ بارا جاتقاندا ديسپەتچەرگە تەحنيكالىق سەبەپتەرمەن شىمكەنت قالاسىنىڭ قوسالقى اۋەايلاعىنا ءماجبۇرلى تۇردە قونعانىن حابارلادى. ۇشاق 17.51-دە شىمكەنت قالاسىنىڭ اۋەجايىنا ءساتتى قوندى. اۋە كومپانياسىنىڭ الدىن الا مالىمەتىنشە، ءتۇتىن داتچيگى ىسكە قوسىلعان. ۇشۋ قاۋىپسىزدىگىنىڭ تالاپتارىنا سايكەس اۋە كەمەسىنىڭ كومانديرى قوسالقى اۋە ايلاعىنا قونۋ جونىندە شەشىم قابىلدادى»، – دەدى اۋە كومپانياسىنان.

Air Astana ينجەنەرلىك تەحنيكالىق قۇرامى ينسپەكتسيا جاساۋ ءۇشىن شىمكەنتكە ۇشىپ شىقتى. جولاۋشىلاردى جەتكىزۋ قر زاڭناماسى بويىنشا تەز ارادا شەشىلەدى. بۇل دەرەك بويىنشا تەكسەرۋ جۇرگىزىلەدى.

 

سوڭعى جاڭالىقتار