25 قىركۇيەك, 16:28 401 0 جاڭالىقتار اسىل تۇمار

مەملەكەت باسشىسى الماتىنىڭ يندۋستريالىق وندىرىسىمەن تانىستى

مەملەكەت باسشىسى قاسىم-جومارت توقاەۆ الماتىعا جاساعان جۇمىس ساپارى اياسىندا قالانىڭ يندۋستريالىق ايماعىندا ورنالاسقان ەنەرگيا ۇنەمدەيتىن ساۋلەتتىك قاسبەتتەر شىعاراتىن زاۋىت – «كسم تەحنوۆيد» جشس-نىڭ جۇمىسىمەن تانىستى. بۇل تۋرالى اقوردانىڭ رەسمي سايتى جازدى.

پرەزيدەنتكە كاسىپورىننىڭ ونىمدەرى تانىستىرىلىپ، قۇرىلىس ماتەريالدارى ءوندىرىسىنىڭ تەحنولوگيالىق پروتسەسى كورسەتىلدى. مۇندا 250-دەن استام ادام جۇمىس ىستەيدى. كومپانيانىڭ جوباعا سالعان جەكە ينۆەستيتسياسى 3,8 ميلليارد تەڭگە. زاۋىتتىڭ قۋاتتىلىعى جىلىنا 475 مىڭ شارشى مەتر شىنىپاكەت شىعارۋعا جەتەدى.

سونداي-اق مەملەكەت باسشىسىنا الماتى يندۋستريالىق ايماعىنىڭ جاعدايى مەن دامۋ پەرسپەكتيۆالارى تۋرالى ايتىلدى. مۇندا جىل اياعىنا دەيىن قۇنى 85 ميلليارد تەڭگە بولاتىن 10 جوبانى جۇزەگە اسىرۋ جوسپارلانىپ وتىر.

 

سوڭعى جاڭالىقتار