24 قىركۇيەك, 16:11 350 0 پرايمەريز انار لەپەسوۆا

پرايمەريز: تۇركىستان وبلىسى داۋىس بەرۋ كەزەڭىنە دايىن

تۇركىستان وبلىسىنداعى پرايمەريزگە ارنايى ازىرلەنگەن داۋىس بەرەتىن 209 ورىن تولىعىمەن دايىن. ونىڭ 170-سىندە ونلاين، 39-ىندا وفلاين داۋىس بەرىلەتىن بولادى. اتالعان ورىندارداعى 580 داۋىس بەرۋ كابينكاسىندا 460 كومپيۋتەر ورناتىلىپ، عالامتورمەن قامتاماسىز ەتىلگەن.

ايتا كەتەيىك، 209 داۋىس بەرۋ ورنىندا «Nur Otan» پارتياسى تۇركىستان وبلىستىق فيليالىنا قاراستى 245 باستاۋىش پارتيا ۇيىمىنىڭ 80 مىڭعا جۋىق مۇشەسى داۋىس بەرۋگە ازىرلەنۋدە. بۇگىننىڭ وزىندە تۇركىستان وبلىسىنداعى پارتيا مۇشەلەرىنىڭ 97 پايىزى «Primaries 2020» اقپاراتتىق جۇيەسىنە تىركەۋدەن وتكەن. تىركەۋ جۇمىستارى ءالى دە جالعاسىپ جاتىر.

ەستەرىڭىزگە سالا كەتەيىك، الداعى پارتياىشىلىك سايلاۋدا «Nur Otan» مۇشەلەرى عانا ونلاين داۋىس بەرە الادى. داۋىس بەرۋدە ءبىر داۋىس: ءبىر جسن (ين), ءبىر ءموبيلدى ءنومىر جانە ءبىر IP مەكەن-جاي پرينتسيپىمەن جۇمىس ىستەيتىن بولادى. ياعني ءبىر نومىردەن تەك ءبىر عانا ادام داۋىس بەرە الادى. ەگەر وسى دەرەكتەردىڭ ءبىرى سايكەس كەلمەسە، «Primaries 2020» اقپاراتتىق جۇيەسىنە تىركەلمەيدى، ياعني داۋىس بەرە المايدى. مۇنىڭ بارلىعى داۋىس بەرۋ كەزەڭىندەگى ءتۇرلى ايلا-شارعىعا، بۇرمالاۋشىلىقتارعا، سونداي-اق ىقتيمال جاپپاي داۋىس بەرۋگە جول بەرمەۋ ماقساتىندا قولعا الىنىپ وتىر.

سوڭعى جاڭالىقتار