24 قىركۇيەك, 14:44 561 0 قوعام انار لەپەسوۆا

ەلوردادا جاقسىلىق ۇشكەمپىروۆ پەن دەنيس تەن بەينەلەنگەن مۋرال سالىنادى

سارايشىق كوشەسىندەگى كوپىردىڭ استىندا ەڭ ۇلكەن بالالار ەكوالاڭقايلارىنىڭ ءبىرى اشىلدى. بۇل تۋرالى نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ ءباسپاسوز قىزمەتى حابارلادى. 

«ول ورتالىق ترياتلون پاركىنەن پرەزيدەنت ساياباعىنا دەيىن جالعاسىپ جاتىر. ويىن الاڭىنىڭ جالپى كولەمى – 1088 شارشى مەتر. ول شاعىن ساۋلەت ۇلگىلەرىمەن تولىعادى. ەكسترەمالدى سپورت تۇرلەرىن سۇيەتىندەرگە پاركۋر-الاڭ اشىلادى دەپ جوسپارلانىپ وتىر. ايتا كەتسەك، وسى سەكىلدى قوعامدىق الاڭ ل.ن.گۋميلەۆ اتىنداعى ەۇۋ جانىنداعى كوپىردىڭ استىندا بار. ول جەردە ستريتبولل، ۇستەل تەننيسى، سكەيت-الاڭ، ۆوركاۋت-زونا جانە ستريت-ارت پايدا بولادى» دەپ حابارلادى ءباسپاسوز قىزمەتى.

سونداي-اق، اقپارات بويىنشا استانالىق ۋربانيستيكا ورتالىعى اسا كورنەكتى سپورتشىلار جانە وليمپيادا چەمپيوندارى جاقسىلىق ۇشكەمپىروۆ پەن دەنيس تەن بەينەلەنگەن گراففيتي سالىناتىن لوكاتسيانى قاراستىرىپ جاتىر.

«بۇل قازاقستاندىق سپورت جۇلدىزدارىنىڭ ەسىمى ءار قازاقستاندىقتىڭ جادىندا ماڭگى ساقتالاتىنى انىق. جاڭا نۇكتەلەردى جانە «ادامدارعا ارنالعان قالانى» قۇرۋ بويىنشا بارلىق جۇمىستار «نۇر-سۇلتان – جايلى قالا» ماستەر-جوسپارى اياسىندا جۇرگىزىلىپ جاتىر. بيىل ەلوردادا 150 اۋلا اباتتاندىرىلىپ، 54 قوعامدىق كەڭىستىك سوعىلدى» دەپ تولىقتىردى باسقارما وكىلدەرى.

 

سوڭعى جاڭالىقتار