24 قىركۇيەك, 12:48 809 0 زاڭ انار لەپەسوۆا

باس پروكۋراتۋرا شەتەل تۇرمەلەرىندەگى قازاقستاندىقتاردىڭ سانىن جاريالادى

شەتەل تۇرمەلەرىندە 735 قازاقستاندىق جازاسىن وتەۋدە. بۇل تۋرالى باس پروكۋروردىڭ ورىنباسارى مارات احمەتجانوۆ مالىمدەدى.

مارات احمەتجانوۆتىڭ ايتۋىنشا، وزگە مەملەكەتتەردە جازاسىن وتەپ جاتقان وتانداستارىمىزدىڭ باسىم كوپشىلىگى رەسەي تۇرمەلەرىندە وتىر.

«شەتەل تۇرمەلەرىندە وتىرعان قازاقستاندىقتاردىڭ 70 پايىزى، ياعني 537-ءى رەسەيدە. ولار ءبىزدىڭ ەلدىڭ ازاماتتارى سانالعانىمەن ولار سوندا جۇمىس ىستەگەن، وتباسىلارىن سوندا كوشىرىپ، سول جاقتا ءومىر سۇرگەن ازاماتتار. ولار قايتىس كەلەم دەسە، مۇمكىندىكتەرى بار. ەكى ەلدىڭ كەلىسىمشارتى نەگىزىندە قايتا الادى. 2019-2020 جىلى رەسەي تاراپىنان ءۇش ازاماتتىڭ قايتارۋدان باس تارتىلدى. الدىمەن شىعىندى وتەۋى كەرەكتىگىن العا تارتتى»، - دەدى ول.

باس پروكۋروردىڭ ورىنباسارى الداعى ۋاقىتتا وزبەكستانمەن كەلىسىم جاسالۋ كوزدەلىپ وتىرعانىن جەتكىزدى. سەبەبى وندا 24 قازاقستاندىق جازاسىن وتەۋدە. ال ءبىزدىڭ ەلىمىزدەگى تۇرمەلەردە وزبەكستاننىڭ 400 ازاماتى وتىر. ەگەر ەكى ەل اراسىندا كەلىسىمشارت جاسالسا، جازاسىن وتەۋشىلەردى ءوزارا الماسۋ مۇمكىندىگى پايدا بولماق.

 

سوڭعى جاڭالىقتار