24 قىركۇيەك, 14:17 403 0 كولىك Túrkistan Gazeti

Air Astana رەيستەرىنە ونلاين تىركەلۋ ۇشۋعا 36 ساعات قالعاندا اشىلادى

21 قىركۇيەكتەن باستاپ اۋەكومپانيانىڭ رەيستەرىنە ونلاين تىركەلۋ ۇشاق ۇشۋدان 36 ساعات بۇرىن اشىلادى (بۇرىنعىداي 24 ساعاتتىڭ ورنىنا) جانە 60 مينۋت بۇرىن اياقتالادى.

بۇل قىزمەت اۋەجايداعى تىركەۋ ورنىندا ادامداردىڭ كەزەكتە كوپ تۇرۋى­نىڭ الدىن الادى جانە COVID-19 ين­فەك­تسياسىنىڭ قاۋپىن ازايتادى. ونلاين تىركەلۋ كەزىندە جولاۋشىلار ۇشاقتاعى ورىندى تاڭداي الادى. ونلاين تىركەلۋدى airastana.com سايتىنىڭ «مەنىڭ برونداۋىم» بولىمىندە، Air Astana ءموبيلدى قو­سىمشاسى نەمەسە نۇر-سۇلتان مەن ال­ما­تى اۋەجايلارىندا ءوزىن-ءوزى تىركەۋ كيوس­كىلەرى ارقىلى دا جاساۋعا بولادى.

جولاۋشىلار تەكسەرۋ جانە وتىرعىزۋ اي­ماعىنا الماتى، نۇر-سۇلتان، اتىراۋ جانە قىزىلوردا قالالارىنان ىشكى رەيس­تەرگە ارنالعان ءموبيلدى وتىرعىزۋ تا­لونىمەن وتە الادى. ول ءۇشىن ونلاين ءتىر­­كەلۋ كەزىندە «ءموبيلدى وتىرعىزۋ بي­لەتىن ساقتاۋ» وپتسياسىن تاڭداۋ كەرەك. IOS قۇرىلعىلارىندا رۇقسات Passbook / Wallet قوسىمشاسىندا، Android قۇرىل­عىلارىندا Pass2U قوسىمشاسىندا ساق­تا­لادى.

حالىقارالىق رەيستەرگە ونلاين ءتىر­كەلۋ قازاقستان مەن باسقا ەلدەردىڭ قو­سىمشا تالاپتارىنا بايلانىستى ۋاقىت­شا قولجەتىمدى ەمەس.

 

سەرىك ءالىمجانوۆ،

الماتى

سوڭعى جاڭالىقتار