24 قىركۇيەك, 16:33 304 0 پرايمەريز انار لەپەسوۆا

پرايمەريز: دەباتتار بايىپتى پىكىر الاڭىنا اينالدى

«Nur Otan» پارتياسىنىڭ جالپىرەسپۋبليكالىق ىشكى سايلاۋىندا داۋىس بەرۋگە ساناۋلى كۇن قالدى. پرايمەريز كانديداتتارى 14 قىركۇيەكتەن بەرى جاريا پىكىرسايىسقا قاتىسىپ، وزدەرىنىڭ سايلاۋالدى باعدارلامالارىن ۇسىنۋدا. دەباتتار ءار ءوڭىردىڭ تۇيتكىلدى ماسەلەلەرى كوتەرىلەتىن، ولاردىڭ شەشۋ جولدارى ۇسىنىلاتىن سال­ماقتى وي، بايىپتى پىكىر الاڭىنا اينالدى.

سەمەي قالاسىندا كۇنى بۇگىنگە دەيىن ءپى­كىرسايىس 8 رەت ۇيىم­داس­تىرىلىپ، وعان 40-تان استام ۇمىتكەر قا­تىستى. سەيسەنبىدە وتكەن  دەباتتا ءۇمىت­كەرلەر مۇمكىندىگى شەكتەۋلى ازا­مات­تار­دىڭ قالا اۋماعىندا قوزعالىستارىن وڭ­­تايلاندىرۋ ماسەلەسىن كوتەردى. سون­داي-اق كانديداتتار سەمەي قالاسىنداعى قوعامدىق كولىكتەردى جاڭارتۋ، قالا ءىشىن اباتتاندىرۋ سىندى ماسەلەلەردى تالقىلاپ، ونى شەشۋ جولدارىن ۇسىندى.

ال اقمولا وبلىسىنىڭ جارقايىڭ اۋدانىندا وتكەن پىكىرسايىستا كان­ديداتتاردىڭ ءبىرى جاس كاسىپكەرلەردى قولداۋدى، جاستارعا ءۇي سالۋ ماسەلەسىن كوتەرسە، كەلەسى ۇمىتكەرلەر سىبايلاس جەم­قورلىقپەن كۇرەس ماسەلەسىن ءوزىنىڭ سايلاۋالدى باعدارلاماسىنىڭ وزەگى ەتكەن. پرايمەريزگە قاتىسۋشىلار مەملەكەت باسشىسى قاسىم-جومارت توقاەۆتىڭ  «حالىق ۇنىنە قۇلاق اساتىن مەملەكەت» تۇجىرىمداماسىن تىلگە تيەك ەتە وتىرىپ، ازاماتتاردىڭ بارلىق سىندارلى ءوتى­نىش-تىلەكتەرىن جەدەل ءارى ءتيىمدى قا­راس­تىرۋ قاجەت ەكەنىن جەتكىزدى.

سونداي-اق جارقايىڭدىق كانديداتتار پاتريوتيزم مەن جاستار ماسەلەسىن دە كوتەردى. ۇمىتكەرلەر ەل ءىشىن ارالاپ، تۇرعىنداردان جيناعان ۇسىنىس، پىكىرلەردىڭ نەگىزى دە جاستار ماسەلەسى بولىپ وتىرعانىن ايتتى. بارلىق ۇسى­نىستار اۋداندىق پارتيا فيليالىنىڭ سايلاۋالدى باعدارلاماسى مەن اۋداننىڭ دامۋ باعدارلاماسىنا ەنگىزىلمەك. سەبەبى ەل احۋالى حالىق قالاۋلىلارىنىڭ ۇدايى نازارىندا بولۋى قاجەت. ءوڭىردىڭ تىنىس-تىرشىلىگىنە ەتەنە قانىققاندا عانا ماسەلەلەردىڭ مانىسىمەن جەتە تا­نىسۋعا بولادى دەيدى پرايمەريز قاتىسۋ­شىلارى.

ەلوردالىق كانديداتتار دا تارتىستى دەبات وتكىزدى. بايقوڭىر اۋ­دا­نىنىڭ قاتىسۋشىلارى «نوسەر كا­رىزدەرى جانە تازارتۋ قۇرىلىستارى»، «قو­­عامدىق كولىك»، «جاستار»، «قاۋىپسىز­دىك» سەكىلدى 10 تاقىرىپ اياسىندا پىكىر تا­لاستىردى.

ۇمىتكەرلەر اتالعان تاقىرىپتار بويىنشا تۇشىمدى يدەيالارىن ۇسى­­نىپ، قالا ءومىرىن جاقسارتۋعا قا­تى­س­تى ويلارىن ورتاعا سالدى.

ماسەلەن،  مەم­­لەكەتتىك ورگانداردا ءتالىم­گەر­لىك ينستيتۋتىن ەنگىزۋدى، ياعني ءتا­جىري­بەسى بار ادامداردى جاس قىزمەت­كەر­لەرگە تاجىريبە بەرۋگە ىنتالاندىرۋدى ۇسىن­دى. «ادىلدىك» بپۇ وكىلى جاستار ءما­سەلەلەرىن تالقىلاعان پىكىرتالاستا جاس­تار ءۇشىن شەكتى جاستى ارتتىرۋ قا­جەتتىلىگى تۋرالى، مەكتەپتەردە «لوگيكا» ءجا­نە «پسيحولوگيالىق دايىندىق» ءپان­دەرىن مىندەتتى تۇردە ەنگىزۋ قاجەتىن ايتتى. سونىمەن قاتار ول مەملەكەتكە ەدب-دان حالىقتىڭ كەپىلسىز نەسيەلەرىن سا­تىپ الۋ ءۇشىن باعالى قاعازدار شىعارۋ­دى ۇسىندى.

ال بيزنەس وكىلى  پىكىرتالاس الدىندا ەلوردالىق اۆتوبۋس پارك­تەرى­نىڭ جۇرگىزۋ­شىلەرى­مەن بىرنەشە رەت كەز­دەسىپتى. دەباتتا ول ەڭ الدىمەن، ءجۇر­گىزۋ­شىلەر ءۇشىن ىڭ­عايلى جاعداي جا­ساۋ­دى، اتاپ ايت­قان­دا، سوڭعى ايالدامالاردى دارەت­حا­نا­لار­مەن جابدىقتاۋدى ۇسىن-دى.

ەسكە سالا كەتەيىك، Nur Otan پار­تياسىنىڭ پارتياىشىلىك سايلاۋىندا ونلاين داۋىس بەرۋ 1-3 قازان ارا­لى­عىندا وتەدى.  داۋىس بەرۋگە قاتىسۋ ءۇشىن «پرايمەريز» اقپاراتتىق جۇيەسىنە بۇگىنگى كۇنگە دەيىن 700 مىڭعا جۋىق پارتيا مۇشەسى تىركەلدى. پرايمەريزگە 11 مىڭعا جۋىق ۇمىتكەر قاتىسۋدا. ەلىمىز بويىنشا ورتا ەسەپپەن ءبىر ورىنعا ءتورت ادام ۇمىتكەر بولىپ وتىر. كانديدات­تار­دىڭ 70 پايىزى  ءوزىن-ءوزى ۇسىنعاندار، ال مىڭ­عا جۋىعى – پارتيانىڭ جاڭا ءمۇ­شە­لە­رى. 37 پايىزى – ايەلدەر، 29 پايىزى – 35 جاسقا دەيىنگى جاستار.

سوڭعى جاڭالىقتار