24 قىركۇيەك, 12:04 287 0 نۇر وتان انار لەپەسوۆا

«Birgemiz» قورىنىڭ كومەگىمەن ماقتاارالدا 32 ءۇي سالىنۋدا

مامىر ايىندا وزبەكستانداعى «ساردوبا» سۋ قويماسىنداعى اپاتقا بايلانىستى تۇركىستان وبلىسى، ماقتاارال اۋدانىندا بىرنەشە اۋىلدى توپان سۋ باسقان بولاتىن. بۇگىندە مىرزاكەنتتە جاڭا شاعىناۋدان بوي كوتەرىپ، ۇيلەر سالىنىپ جاتىر.

سول ۇيلەردىڭ 20-سىن «Nur Otan» پارتياسى «Birgemiz» قورى ارقىلى سالىپ بەرۋدى ۇيعارعان. «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك اۋدانعا ارنايى كەلىپ، پارتيا ىقپالىمەن سالىناتىن ۇيلەردىڭ ىرگەتاسىن قالاۋ راسىمىنە قاتىستى. كەيىن جەرگىلىكتى تۇرعىندار مەن اكىمدىكتىڭ سۇرانىسىنا سايكەس، تاعى 12 ءۇيدىڭ قۇرىلىسىن جۇرگىزۋ تۋرالى شەشىم قابىلداندى.

«Nur Otan» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ جۋىردا ماقتاارال اۋدانىنا جۇمىس ساپارىندا مىرزاكەنتتەگى ۇيلەردىڭ قۇرىلىس بارىسىمەن دە تانىستى. پارتيا فيليالى توراعاسىنىڭ ءبىرىنشى ورىنباسارى قۇرىلىسقا جاۋاپتى مەردىگەر مەن جۇمىسشىلارعا ۇيلەردى ساپالى ءارى ۋاقتىلى تاپسىرۋ كەرەكتىگىن ايتتى. باسپانالاردىڭ تالاپقا ساي بولۋى پارتيانىڭ باقىلاۋىندا ەكەنىن ەسكەرتتى.
جالپى ماقتاارالداعى سۋ تاسقىنى كەزىندە «Nur Otan» پارتياسى وكىلدەرى ەلدىڭ اراسىنان تابىلىپ، مىرزاشولدىكتەرگە كومەكتەستى. توتەنشە جاعدايعا بايلانىستى جەدەل شتاب قۇرامىندا جەمىستى ەڭبەك ەتىپ، گۋمانيتارلىق كومەكتەردى جەتكىزۋدى ۇيلەستىردى.

ەلباسى، پارتيا توراعاسى نۇرسۇلتان نازارباەۆتىڭ تاپسىرماسىمەن قۇرىلعان «Birgemiz» قورى ارقىلى اۋدانعا قاراجات ءبولىنىپ، 32 ءۇيدىڭ قۇرىلىسى جۇرگىزىلىپ كەلەدى. ءار ءۇيدىڭ قۇرىلىسىنا 17 ملن. تەڭگەدەن قارالعان.

قازىرگى تاڭدا پارتيانىڭ ۇيلەستىرۋىمەن سالىنىپ جاتقان 20 ءۇيدىڭ قۇرىلىسى اياقتالعان. قالعان 12-سىندە جۇمىس جالعاسۋدا. جالپى 32 ءۇي دە تاياۋ ۋاقىتتا تۇرعىندارعا پايدالانۋعا بەرىلەدى دەپ جوسپارلانىپ وتىر.

سوڭعى جاڭالىقتار