24 قىركۇيەك, 11:51 363 0 ايماق انار لەپەسوۆا

قۇس تۇماۋى: قوستاناي وبلىسىندا 3 اۋدان كارانتينگە جابىلدى

قوستاناي وبلىسىندا قۇس تۇماۋىنىڭ العاشقى جاعدايلارى تىركەلدى. ۆەتەرينارلىق قىزمەت اۋىلداردى تەكسەرىپ ءجۇر. ونىڭ ىشىندە، سارىكول، ۇزىنكول جانە مەڭدىقارا اۋداندارى كارانتينگە جابىلدى، دەپ حابارلايدى "كوستانايسكيە نوۆوستي" باسىلىمى.

قۇس ءولىمى سارىكول اۋدانىنىڭ ماياك، ۇزىنكول اۋدانىنىڭ سوكول جانە مەڭدىقارا اۋدانىنىڭ كراسنايا پرەسنيا اۋىلدارىندا تىركەلگەن. بارلىعى 384 ولگەن. بارلىق ولەكسەلەر ورتەۋ ارقىلى جويىلدى.

وسى اۋىلداردىڭ اۋماعىندا 21 كۇنگە كارانتين ەنگىزىلدى (قۇس شارۋاشىلىعى ونىمدەرىن اكەتۋگە تىيىم سالۋ). سودان كەيىن قۇستاردان تالداۋ ءۇشىن قان الادى. ەگەر دياگنوز راستالسا، كارانتين ۇزارتىلادى.

"وبلىسقا جوعارى پاتوگەندى قۇس تۇماۋىنا قارسى 21 مىڭ دوزا ۆاكتسينا كەلىپ ءتۇستى. ۆاكتسيناتسيا باستالدى", - دەيدى وبلىستىق ۆەتەريناريا باسقارماسىنىڭ باسشىسى سامات قاليەۆ.

ول مۇنداي قاۋىپتى ۋاقىتتا رۇقسات ەتىلمەگەن ساۋدا ورىندارىندا قۇس ەتى مەن جۇمىرتقا ساتىپ الماۋدى ۇسىندى.

"ولەكسەنىڭ قانسىزدىعىنا نازار اۋدارىڭىز. قۇستاردىڭ يەلەرى مالعا مۇقيات بولۋ كەرەك، اۋرۋ قۇس بىردەن كورىنەدى: ول ءالسىز، تاماققا قىزىعۋشىلىق تانىتپايدى. بۇنى سويۋعا جانە ساتۋعا بولمايدى", - دەيدى ۆەتەريناريا باسقارماسىنىڭ باسشىسى.

سونىمەن قاتار، سانيتارلىق دارىگەرلەر قولدى ءجيى جۋ، ماسكا، دىمقىل مايلىقتاردى قولدانۋ قاجەتتىلىگى تۋرالى ايتادى. اۋرۋدىڭ العاشقى بەلگىلەرى پايدا بولعان كەزدە شۇعىل تۇردە دارىگەرمەن كەڭەسۋ قاجەت.

 

سوڭعى جاڭالىقتار