23 قىركۇيەك, 19:12 1542 0 ايماق انار لەپەسوۆا

قوستاناي وبلىسىندا ەكى اۋدانعا جاڭا باسشى تاعايىندالدى

قوستاناي وبلىسىنىڭ اكىمى ارحيمەد مۇحامبەتوۆ ەكى اۋدان اكىمدەرىن تاعايىندادى، دەپ حابارلايدى وبلىس اكىمىنىڭ ءباسپاسوز قىزمەتى.

ارحيمەد مۇحامبەتوۆ قوستاناي اۋداندىق ءماسليحاتىنىڭ دەپۋتاتتارىمەن كەلىسە وتىرىپ، قوستاناي اۋدانىنىڭ جاڭا اكىمىن تاعايىندادى. جەرگىلىكتى اكىمدىك اكتيۆىنە اۋداننىڭ جاڭا باسشىسى جانسۇلتان تاۋكەنوۆ تانىستىرىلدى.

جانسۇلتان قوڭىرتايۇلى تاۋكەنوۆ 1975 جىلى 5 قازاندا قوستاناي وبلىسى امانگەلدى اۋدانىنىڭ بايعابىل اۋىلىندا دۇنيەگە كەلگەن. ءبىلىمى جوعارى. بۇعان دەيىن «قوستاناي وبلىسى اكىمدىگىنىڭ اۋىل شارۋاشىلىعى جانە جەر قاتىناستارى باسقارماسى» مم باسشىسى قىزمەتىن اتقارعان.

سونىمەن قاتار قوستاناي اۋدانىنىڭ بۇرىنعى اكىمى ۆيكتور رادچەنكو قاراسۋ اۋدانىنىڭ اكىمى بولىپ تاعايىندالدى. ونى اۋدان اكتيۆىنە وبلىس اكىمىنىڭ ءبىرىنشى ورىنباسارى گاۋەز نۇرمۇحامبەتوۆ تانىستىردى.

ۆيكتور نيكولاەۆيچ رادچەنكو 1967 جىلى 1 قاراشادا دۇنيەگە كەلگەن. م.دۋلاتوۆا اتىنداعى قوستاناي ينجەنەرلىك-تەحنيكالىق ۋنيۆەرسيتەتىن جانە قازتۇتىنۋوداعى قاراعاندى ەكونوميكالىق ۋنيۆەرسيتەتىن بىتىرگەن.

 

سوڭعى جاڭالىقتار