23 قىركۇيەك, 18:42 1558 0 ءبىلىم انار لەپەسوۆا

شقو-دا كەزەكشى سىنىپتا وقيتىن وقۋشىدان كوروناۆيرۋس انىقتالدى

شىعىس قازاقستان وبلىسىندا كەزەكشى سىنىپتا وقيتىن مەكتەپ وقۋشىسىنان كوروناۆيرۋس جۇقتىرعان. بۇل تۋرالى قر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ مالىمدەدى. 

«14 قىركۇيەك كۇنى شىعىس قازاقستان وبلىسىنىڭ التاي اۋدانىنا قاراستى پارىگينا ەلدى مەكەنىندە كەزەكشى سىنىپتا وقيتىن وقۋشىنىڭ (2-سىنىپ) كوروناۆيرۋس جۇقتىرۋىنىڭ العاشقى جاعدايى انىقتالدى. بالانىڭ اناسى – مۇعالىم. ءبىرىنشى كۇنى دەنە قىزۋى 37 گرادۋس بولعان، بارلىق سيمپتومدارى ۆيرۋسقا كەلەدى»، - دەيدى ب.قوجاحمەتوۆ.

وقۋشىنىڭ ىندەت جۇقتىرعانىن پتر-تەست راستاپتى. مينيسترلىك وكىلىنىڭ ايتۋىنشا، بالا ۇيىندە ەمدەلىپ جاتىر، جاعدايى جاقسى. ناۋقاس وقۋشىمەن ءبىر سىنىپقا وقىعان 12 بالا جانە ولارعا ساباق بەرگەن مۇعالىمدەر دە كوروناۆيرۋسقا تەست تاپسىرعان.

ايتا كەتەيىك، بۇعان دەيىن باعدات قوجاحمەتوۆ ەلىمىزدە قاتاڭ قارانتين قانداي جاعدايدا ەنگىزىلەتىنىن ايتقان بولاتىن. رەسمي وكىلدىڭ سوزىنشە، قازاقستاندا ورتا ەسەپپەن پتر ارقىلى ىندەت جۇقتىرعانى راستالعان ناۋقاستار سانى 30 مىڭعا جەتسە، بۇل ەل ىشىندە قاتاڭ كارانتيندىك شارالار ەنگىزۋگە باستى سەبەپ بولماق.

وتكەن تاۋلىكتە ەلىمىزدە 76 ادامنان كوروناۆيرۋس انىقتالىپ, رەسپۋبليكا بويىنشا ىندەت جۇقتىرعانداردىڭ جالپى سانى 107 450-گە جەتتى. ىندەتتەن 102 مىڭنان استام ادام ەمدەلىپ شىقتى. 1699 ناۋقاس قايتىس بولدى.

 

سوڭعى جاڭالىقتار