23 قىركۇيەك, 17:15 540 0 جاھان انار لەپەسوۆا

لۋكاشەنكو بەلارۋس اۋماعىنا پولشالىق تاۋارلاردى كىرگىزۋگە تىيىم سالدى

بەلارۋستىڭ كەدەنى ەلگە پولشالىق تاۋارلاردى كىرگىزۋدى توقتاتى. بۇل تۋرالى Gazeta Wyborcza حابارلادى.

باسىلىمنىڭ جازۋىنشا، شەكارادان كوفە قورابىن، شوكولاد كامپيتتەردى، ءتىپتى دارەتحانا قاعازىنىڭ ءبىر بۋماسىن دا الىپ ءوتۋ مۇمكىن ەمەس. كەدەنشىلەر تۋريستەرگە تاڭداۋ قۇقىعىن بەرەدى: نە جۇك ىشىندەگى پولشالىق تاۋارلاردى الىپ تاستايدى، نە پولشاعا كەرى قايتادى. ءبىر قىزىعى، ولار مۇنداي شەشىم قانداي نەگىزگە سۇيەنىپ قابىلدانعانىن تۇسىندىرمەيتىن كورىنەدى.

Gazeta Wyborcza-نىڭ بولجامىنشا، بۇل تىيىمنىڭ ماقساتى – مينسكتىڭ سارقىلا باستاعان ۆاليۋتالىق قورىن قۇتقارۋ. سونداي-اق، بۇل قادام ارقىلى الەكساندر لۋكاشەنكو پولشا جانە ليتۆامەن اراداعى شەكارانى جابۋ تۋرالى مالىمدەمەسىنىڭ بوس ءسوز ەمەس ەكەنىن كورسەتپەكشى. 17 قىركۇيەكتە بەلارۋس باسشىسى سوعىس قاۋپى تۋعاندىقتان ەلدىڭ جارتى اسكەرىنە قارۋ ۇستاتىپ، ەلدىڭ باتىس شەكاراسىن جابۋعا ءماجبۇر بولعانىن جانە «باۋىرلاس» ۋكراينامەن اراداعى شەكارانى كۇشەيتىلگەن باقىلاۋعا الۋعا تۋرا كەلگەنىن ايتقان ەدى.

9 تامىزدا وتكەن پرەزيدەنت سايلاۋىنان كەيىن بەلارۋستە باستالعان نارازىلىق شەرۋلەرى جەتىنشى اپتاعا ۇلاستى. سايلاۋ قورىتىندىسىنا، ياعني الەكساندر لۋكاشەنكونىڭ 80 پايىزدان استام داۋىس جيناعانىنا سەنبەيتىندەرىن ايتقان جۇرت ونىڭ وتستاۆكاعا كەتۋىن، ەلدە قايتادان سايلاۋ وتكىزىلۋىن تالاپ ەتۋدە.  ال لۋكاشەنكو بۇل بەرەكەسىزدىكتىڭ ارتىندا بەلارۋستىڭ تۇبىنە جەتۋدى كوزدەيتىن باتىس ەلدەرى تۇر دەپ ەسەپتەيدى.

ەسكە سالا كەتەيىك، بۇعان دەيىن ەۋروپارلامەنت 5 قاراشادان باستاپ الەكساندر لۋكاشەنكو بەلارۋس پرەزيدەنتى رەتىندە مويىندالمايتىنىن  مالىمدەگەن.

 

سوڭعى جاڭالىقتار