23 قىركۇيەك, 14:28 554 0 الەۋمەت انار لەپەسوۆا

كوروناۆيرۋستان كوز جۇمعان 26 دارىگەردىڭ وتباسىنا 10 ملن تەڭگەدەن بەرىلدى

1,9 مىڭنان استام مەديتسينا قىزمەتكەرى COVID-19 ينفەكتسياسىن جانە پنەۆمونيانى جۇقتىرۋىنا بايلانىستى تولەم الدى.

قر ەڭبەك جانە حالىقتى الەۋمەتتىك قورعاۋ مينيسترلىگىىنڭ مالىمەتىنشە، COVID-19-بەن كۇرەسۋگە تارتىلعان 1 965 مەديتسينا قىزمەتكەرى كوروناۆيرۋس ينفەكتسياسىن نەمەسە ۆيرۋستى پنەۆمونيانى جۇقتىرعان جاعدايدا مەملەكەتتىك الەۋمەتتىك ساقتاندىرۋ قورىنان بەرىلەتىن بىرجولعى الەۋمەتتىك تولەمدى العان.

سونداي-اق، ماسق اۋرۋدىڭ سالدارىنان قايتىس بولعان 26 مەديتسينا قىزمەتكەرىنىڭ تۋىستارىنا وتەماقى اۋداردى.

بۇدان بۇرىن حابارلانعانداي، جوعارىدا اتالعان تولەم تولەنەتىن مەديتسينا قىزمەتكەرلەرىن وڭىرلەردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى جانىنداعى ارنايى كوميسسيالار اۋىرعان مەديتسينا قىزمەتكەرلەرىن تەكسەرۋ ناتيجەسى نەگىزىندە انىقتايدى.

وتىنىمدەردى قر دەنساۋلىق ساقتاۋ مينيسترلىگى جينايدى. ودان كەيىن ءوتىنىم ەلەكتروندىق ءىس ماكەتتەرىن قالىپتاستىرۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرىلەدى، كەيىن تولەم تاعايىنداۋ ءۇشىن ماسق-عا جىبەرىلەدى.

وڭىرلەر بولىنىسىندە مەديتسينا قىزمەتكەرلەرىنە COVID-19 نەمەسە ۆيرۋستىق پنەۆمونيانى جۇقتىرۋ جاعدايىنا تولەمدەردىڭ ەڭ كوبى نۇر-سۇلتان (502) جانە الماتى (373), شىمكەنت (117) قالالارى، قاراعاندى (138), باتىس قازاقستان (115) جانە اقمولا (107) وبلىستارىندا.

ەستەرىڭىزگە سالا كەتەيىك، جوعارىدا كورسەتىلگەن تولەم:

– كوروناۆيرۋس نەمەسە ۆيرۋستى پنەۆمونيا جۇقتىرعان مەديتسينا قىزمەتكەرلەرىنە – 2 ملن تەڭگە;

– COVID-19 ينفەكتسياسىن جۇقتىرعاننان، ۆيرۋستى پنەۆمونيامەن اۋىرىپ قايتىس بولعان جاعدايدا ولاردىڭ وتباسىنا – 10 ملن تەڭگە كولەمىندە تولەنەدى.

 

سوڭعى جاڭالىقتار