23 قىركۇيەك, 13:29 435 0 جاھان انار لەپەسوۆا

200 مىڭ ءولىم: ترامپ كوروناۆيرۋسپەن كۇرەستەگى كورەگەندىگى ءۇشىن ءوزىن-ءوزى ماقتادى

اقش-تا كوروناۆيرۋس قۇرباندارىنىڭ سانى 200 مىڭعا جەتكەندىگى جونىندەگى حاباردان كەيىن مەملەكەت باسشىسى دونالد ترامپ ىندەتپەن كۇرەستەگى كورەگەندىگى ءۇشىن ءوزىن-ءوزى ماقتادى، دەپ جازادى ريا نوۆوستي.

«بۇل سۇمدىق جاعداي. ەگەر ءبىز دۇرىس ءبارىن دۇرىس جاساماعاندا، ىندەت قۇرباندارىنىڭ سانى 2,5 ميلليون بولار ەدى»، — دەدى اقش كوشباسشىسى.

سونداي-اق، ول قىتاي ىندەتتىڭ بۇكىل الەمگە تارالۋىنا جول بەرمەگەندە ەشكىم قايتىس بولمايتىن ايتتى.

بۇعان دەيىن بۇۇ باس اسسامبلەياسىندا جاساعان بەينەۇندەۋىندە دونالد ترامپ قىتايدى كوروناۆيرۋسقا قاتىستى ارەكەتتەرى ءۇشىن جاۋاپقا تارتۋعا شاقىرعان ەدى. «اۋەلى قىتاي ۇكىمەتى جانە ءىس جۇزىندە پەكين باقىلاپ وتىرعان ددسۇ كوروناۆيرۋس ادامنان ادامعا جۇقپايدى دەگەن قاتە اقپارات تاراتتى. سودان سوڭ ولار ۆيرۋس سيمپتومسىز ناۋقاستاردان جۇقپايدى دەپ الەمدى تاعى اداستىردى»، — دەدى اقش باسشىسى.

دجونس حوپكينس ۋنيۆەرسيتەتىنىڭ سوڭعى دەرەگىنە سۇيەنسەك، الەمدە كوروناۆيرۋس جۇقتىرعاندار سانى 31,6 ميلليوننان استى. ىندەتتەن 970 مىڭنان اسا ادام قايتىس بولدى.

ىندەت جۇقتىرعاندار سانى بويىنشا الەمدە كوش باستاپ تۇرعان اقش-تا پاندەميا باستالعالى 6,9 ميلليونعا جۋىق ادام نان قاتەرلى ۆيرۋس انىقتالدى. مەملەكەت ىندەتتەن كوز جۇمعاندار سانى جونىنەن دە ءبىرىنشى ورىندا. ەلدە كوروناۆيرۋس قۇرباندارىنىڭ سانى 200 807-گە جەتتى.

سوڭعى جاڭالىقتار