23 قىركۇيەك, 12:53 604 0 زاڭ انار لەپەسوۆا

جىل باسىنان بەرى پوليتسياعا تۇرمىستىق زورلىق-زومبىلىققا قاتىستى 130 مىڭ شاعىم تۇسكەن

سۋرەت ينتەرنەتتەن الىندى
سۋرەت ينتەرنەتتەن الىندى

جىل باسىنان بەرى قۇقىققورعاۋ ورگاندارىنا تۇرمىستىق زورلىق-زومبىلىق بەلگىلەرى بويىنشا 130 مىڭعا تارتا شاعىم كەلىپ تۇسكەن. بۇل تۋرالى ءماجىلىستىڭ جالپى وتىرىسىندا قر ىشكى ىستەر ۆيتسە-ءمينيسترى الەكسەي كالايچيدي مالىمدەدى. 

«ستاتيستيكاعا توقتالساق، بيىلعى 8 ايدا تۇرمىستىق زورلىق-زومبىلىق بەلگىلەرى بويىنشا 130 مىڭعا تارتا ءوتىنىم كەلىپ ءتۇستى. ناتيجەسىندە 2,5 مىڭى بويىنشا قىلمىستىق ءىس قوزعالدى، 30 مىڭعا جۋىعى  – اكىمشىلىك ءىس ساناتىندا. ال قالعان جاعدايلاردا جابىرلەنۋشىلەر شاعىمنان باس تارتقاندىقتان ءتيىستى شارالاردى قولدانا المادىق»،  – دەدى ءمينيسترلىڭ ورىنباسارى.

ايتا كەتەيىك، كوروناۆيرۋس ىندەتىنىڭ تارالۋىنا بايلانىستى ەنگىزىلگەن كارانتين كەزىندە ەلىمىزدە تۇرمىستىق زورلىق-زومبىلىق 21 پايىزعا وسكەن.

بيىلعى جىلدىڭ ناۋرىز-شىلدە ايلارىندا 33 وتانداسىمىز تۇرمىستىق زورلىق-زومبىلىق قۇربانى بولدى.

بۇگىن ءماجىلىس «وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى» زاڭ جوباسىن ءبىرىنشى وقىلىمدا ماقۇلدادى. زاڭ جوباسى وتباسىلىق-تۇرمىستىق زورلىق-زومبىلىققا قارسى ءىس-قيمىل جونىندەگى مەملەكەتتىك ساياساتتىڭ قۇقىقتىق، الەۋمەتتىك، ينستيتۋتسيونالدىق جانە ۇيىمداستىرۋشىلىق نەگىزدەرىن جەتىلدىرۋ ماقساتىندا ازىرلەندى.

سوڭعى جاڭالىقتار