23 قىركۇيەك, 11:43 323 0 پرايمەريز انار لەپەسوۆا

پرايمەريز: الماتىلىق ايەل كانديداتتار جۇمىسپەن قامتۋ ساياساتىن جەتىلدىرۋگە نيەتتى

الماتىدا پرايمەريزگە قاتىسۋشى ايەل ازاماتتار ۇگىت-ناسيحات جۇمىستارىندا ەرلەردەن قالىسار ەمەس. 

مىسالى، پرايمەريزدە جۇمىسشى تابىنىڭ مۇددەلەرىن بىلدىرەتىن قاتىسۋشىلاردىڭ ءبىرى وندىرىستىك مىندەتتەردى شەشۋمەن قاتار، بالالار ۇيىمدارىنا، قورلارعا، سونداي-اق قيىن ومىرلىك جاعدايدا قالعان وتباسىلارعا قايىرىمدىلىق قولداۋ كورسەتە وتىرىپ، الەۋمەتتىك ماسەلەلەردى دە بەلسەندى ناسيحاتتايدى.

اۋداننىڭ باستاۋىش پارتيا ۇيىمدارىندا وتكەن كەزدەسۋلەردە پارتيا مۇشەلەرىمەن بىرگە مەكتەپ مۇعالىمدەرىنىڭ مارتەبەسى، مەكتەپكە دەيىنگى ءبىلىم بەرۋ ۇيىمدارىنىڭ، اۆتوبۋس مارشرۋتتارىن ۇيىمداستىرۋ ماسەلەلەرىن تالقىلانۋدا. ەلىمىزدە بالا تۋ كورسەتكىشى بويىنشا الماتى كوش باستاپ تۇر. بۇل جاعدايدا، ولاردىڭ پىكىرىنشە، الماتىدا جاڭا مەكتەپتەر مەن بالاباقشالاردىڭ قۇرىلىسى مەكتەپ وقۋشىلارى مەن مەكتەپ جاسىنا دەيىنگى بالالار سانىنىڭ وسۋىنە سايكەس كەلمەيدى.

پرايمەريزدىڭ باسقا قاتىسۋشىسىنىڭ كەزدەسۋلەرىندە تۇركسىب اۋدانىندا جاياۋ جۇرگىنشىلەر وتكەلىنىڭ قاۋىپسىزدىگى، تروتۋارلاردى جايلاستىرۋ، سونداي-اق ىستىق سۋمەن قامتاماسىز ەتۋ ماسەلەسى كوتەرىلدى.

جالپى، الماتىنىڭ ايەل كانديداتتارى ادام الەۋەتىن دامىتۋ ستراتەگياسىن قۇرۋ جانە ەنگىزۋ ارقىلى مەملەكەتتىك جۇمىسپەن قامتۋ ساياساتىن جەتىلدىرۋدى تالاپ ەتەدى. جۇمىسپەن قامتۋ باعدارلاماسىن ەنگىزۋ، ەڭبەك قىزمەتى بارىسىندا كاسىبي باعدار بەرۋ، نىساندالعان وقىتۋ جانە ناتيجەلى جۇمىسقا ورنالاستىرۋ، ءىرى جۇمىس بەرۋشىلەردى قولداۋ، الەۋمەتتىك كاسىپكەرلىكتى دامىتۋ - مىنە، الماتىلىقتاردىڭ پىكىرى بويىنشا ءدال ايەل-ساياساتكەرلەردىڭ جۇزەگە اسىرۋعا قابىلەتتى ماسەلەلەرىنىڭ تىزبەسى.

قالانىڭ جاستار سەكتورىنىڭ وكىلى بولىپ تابىلاتىن پرايمەريزگە قاتىسۋشى الەۋەتتى سايلاۋشىلار مەن جاقتاۋشىلار اراسىندا جاستاردىڭ ودان ءارى ەلدەن كەتۋىنە جول بەرمەۋ ماقساتىندا ولاردىڭ ءوزىن-ءوزى تانىتۋى ءۇشىن جاعداي جاساۋدى بەلسەندى تۇردە ناسيحاتتايدى.

«ءبىزدىڭ ەلىمىز دارىندى جاستاردىڭ شەتەلگە كەتۋ پروبلەماسىمەن كۇرەسۋگە ءماجبۇر، بۇل ەلدىڭ ساپالى ادامي رەسۋرسىنىڭ ناشارلاۋىنا اكەلەدى»، - دەيدى ول ءوزىنىڭ الەۋمەتتىك جەلىلەردەگى رەسمي اككاۋنتىندا.

ەستەرىڭىزگە سالساق، كانديداتتاردىڭ ۇگىت-ناسيحات جۇمىستارى Zoom ارقىلى باستاۋىش پارتيا ۇيىمدارىنىڭ توراعالارىمەن ونلاين-كەزدەسۋلەر، اشىق الاڭداردا نەمەسە جەلدەتىلەتىن ءۇي-جايلاردا سانيتارلىق نورمالاردى قاتاڭ ساقتاي وتىرىپ وففلاين-كەزدەسۋلەر ارقىلى جۇرگىزىلەدى.

سوڭعى جاڭالىقتار