23 قىركۇيەك, 11:17 2301 0 زاڭ انار لەپەسوۆا

“قايتارىمسىز نەسيە الىپ بەرەمىن”: تۇركىستاندىق پوليتسەيلەر الاياقتىڭ ارەكەتىن اشكەرەلەدى

تۇركىستان وبلىسىنىڭ پوليتسەيلەرى تۇرعىندارعا قايتارىمسىز نەسيە شىعارىپ بەرەمىن دەپ، الاياقتىق جاساعان كۇدىكتىنى ۇستادى، دەپ حابارلايدى Polisia.kz.

جەتىساي اپب-ءنىڭ كەزەكشى بولىمىنە جەرگىلىكتى تۇرعىن ارىزدانىپ، وتباسىمەن الاياقتىڭ قۇربانى بولعاندارىن ايتىپ شاعىمدانعان. جابىرلەنۋشىنىڭ ايتۋىنشا، وعان تانىسى اعىمداعى جىلدىڭ شىلدە ايىندا كاسىپكەرلىككە قولداۋ كورسەتۋ ماقساتىندا مەملەكەتتەن قايتارىمسىز 500 مىڭ تەڭگە اقشا شىعارىپ بەرەمىن دەپ سەنىمىنە كىرگەن. سودان جابىرلەنۋشى ءوزى مەن تۋىستارىنان 200 مىڭ تەڭگە جيناپ بەرگەن. ال، تانىسى بولسا اقشا العاننان كەيىن جاسىرىنىپ، ۋادەسىن ورىنداماي نە اقشاسىن قايتارماي ابىگەرگە سالعان.

اتالعان جايت جەتىساي اپب-نە قر قك-ءنىڭ 190-بابى بويىنشا تىركەلدى. وسى جايتقا بايلانىستى الاياقتىق قىلمىسىن اشۋ ماقساتىندا پوليتسيا بولىمىندە تاجىريبەلى قىزمەتكەرلەردەن جەدەل-تەرگەۋ توبى قۇرىلدى. پوليتسەيلەر جەدەل-ىزدەستىرۋ ءىس-شارالارىنىڭ ناتيجەسىندە كۇدىكتىنىڭ جەكە-باسىن انىقتاپ، ونى اپب-عا جەتكىزدى. ول جۇمىسسىز، بۇرىن توناۋ، الاياقتىق بويىنشا سوتتى بولعان جەرگىلىكتى تۇرعىن بولىپ شىقتى.

تەرگەۋ بارىسىندا پوليتسيا قىزمەتكەرلەرى ۇستالعان جىگىتتىڭ جوعارىداعى جابىرلەنۋشى وتباسى مۇشەلەرىنەن بولەك، تاعى دا ءبىر ايەلدى الداپ، ودان 50 000 العانىن انىقتادى. الاياق جىگىت الداۋ جولىمەن العان اقشالاردى ءوزىنىڭ قاجەتتىلىگىنە جاراتىپ جىبەرگەنىن تولىعىمەن مويىندادى.

قازىرگى ۋاقىتتا اتالعان جايتتار بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى. ءتارتىپ ساقشىلارى الاياق ازاماتتىڭ بۇدان باسقا دا قىلمىستارعا قاتىستىلىعىن انىقتاۋدا.

 

سوڭعى جاڭالىقتار