22 قىركۇيەك, 11:57 960 0 جاڭالىقتار اسىل تۇمار

«ەڭبەك» مەملەكەتتىك باعدارلاماسىنىڭ بيۋدجەتىن جىمقىرعاندار اشكەرە بولدى

قارجى مونيتورينگى كوميتەتىنىڭ شىعىس قازاقستان وبلىسى بويىنشا ەكونوميكالىق تەرگەۋ دەپارتامەنتى «قازىنا» جەدەل-الدىن الۋ ءىس-شاراسى اياسىندا بيۋدجەت قاراجاتىن جىمقىرۋ فاكتىلەرىن انىقتادى.

شارا بارىسىندا دەپارتامەنت قىزمەتكەرلەرى «ەڭبەك» مەملەكەتتىك باعدارلاماسى اياسىندا بيۋدجەت قاراجاتىن جىمقىرۋ فاكتىلەرىن اشكەرەلەدى. شقو-نىڭ گلۋبوكوە اۋدانىندا جشس ديرەكتورى ازاماتتاردى جۇمىس كۇشى ارتىق ايماقتاردان جۇمىس كۇشى جەتىسپەيتىن ايماقتارعا قونىستاندىرۋ تۋرالى جالعان مالىمەتتەردى ۇسىنىپ، 6,8 ملن تەڭگە كولەمىندە بيۋدجەت قاراجاتىن جىمقىرعانى بەلگىلى بولدى.

شىنىندا، باعدارلاماعا قاتىسۋشىلار (قونىس اۋدارۋشىلار) شقو اۋماعىندا ءىس جۇزىندە تۇرىپ، ەڭبەك ەتپەگەن. ۇلان اۋدانىندا وسىعان ۇقساس 13,4 ملن تەڭگە سوماسىندا بيۋدجەت قاراجاتىن جىمقىرۋ فاكتىسىنىڭ جولى كەسىلدى.

بۇل فاكتىلەر بويىنشا قر قك 189 جانە 190 باپتارىنا سايكەس سوتقا دەيىنگى تەرگەۋ امالدارى تىركەلدى. قازىرگى ۋاقىتتا تەرگەۋ امالدارى جۇرگىزىلۋدە.

 

سوڭعى جاڭالىقتار