22 قىركۇيەك, 11:10 400 0 جاڭالىقتار اسىل تۇمار

تۇتىنۋشىنىڭ قۇقىعىن قورعايتىن كەڭەس قۇرىلادى

قازاقستاندا تۇتىنۋشىلاردىڭ قۇقىعىن قورعاۋ جونىندەگى ۆەدومستۆوارالىق كەڭەس قۇرىلادى. بۇل تۋرالى قر ساۋدا جانە ينتەگراتسيا ءمينيسترى باقىت سۇلتانوۆ ايتىپ بەردى.

«قازىرگى كەزدە ەلىمىزدە تۇتىنۋشى قۇقىعىن قورعاۋ سالاسىندا 65 قوعامدىق ۇيىمدار جۇمىس ىستەيدى. مينيسترلىك ۇكىمەتتىك ەمەس ۇيىمدارمەن ولاردى ىرىلەندىرۋ جانە سالالىق نەگىزدە نىعايتۋ ءپرينتسيپى بويىنشا جۇمىس ىستەيتىن بولادى. بۇل قوعامدىق سەكتورعا سالالىق مەملەكەتتىك ورگاندارمەن تولىققاندى ىنتىماقتاستىق ورناتۋعا مۇمكىندىك بەرەدى»، – دەپ اتاپ ءوتتى مينيستر ۇكىمەت وتىرىسىندا.

ءمينيستردىڭ ايتۋىنشا، بۇل حالىقتىڭ مادەنيەتىن جانە تۇتىناتىن تاۋارلار مەن قىزمەتتەردىڭ ساپاسىن جاقسارتۋعا مۇمكىندىك بەرەدى.

«بۇدان باسقا، «تۇتىنۋشى قۇقىعىن قورعاۋ تۋرالى» زاڭىندا تۇتىنۋشىلاردىڭ قۇقىعىن قورعاۋ جونىندەگى ۆەدومستۆوارالىق كەڭەس قۇرۋ كوزدەلگەن. ونىڭ وتىرىستارىندا مەملەكەتتىك ورگانداردىڭ جۇمىس ناتيجەلەرى تالقىلانىپ، كەمشىلىكتەر انىقتالىپ، ءتيىستى شەشىمدەر قابىلدانادى. وسى كەڭەستىڭ قۇرامى مەن ەرەجەسى ۇكىمەتتىڭ قاراۋىندا»، – دەدى ب.سۇلتانوۆ.

سونداي-اق، مينيسترلىك تۇتىنۋشىلاردىڭ قۇقىقتارىن قورعاۋ سالاسىنداعى اتقارىلعان جۇمىستار تۋرالى اناليتيكالىق باياندامانى ۇكىمەتكە جىل سايىن ۇسىناتىن بولادى.

سوڭعى جاڭالىقتار