21 قىركۇيەك, 16:31 518 0 ايماق انار لەپەسوۆا

ەلىمىزدىڭ 5 ايماعىندا قۇس تۇماۋى تىركەلدى

قازاقستاننىڭ 5 وبلىسىندا قۇس تۇماۋى تىركەلدى. بۇل تۋرالى وكق-دا وتكەن ءباسپاسوز ءماسليحاتىندا قر اۋىل شارۋاشىلىعى ۆيتسە-ءمينيسترى گۇلميرا يساەۆا مالىمدەدى.

«بۇگىنگە دەيىن 47 ەلدىمەكەندە (25 اۋدان مەن 5 وبلىستا) قۇس تۇماۋىنان قۇستاردىڭ قىرىلۋ فاكتىسى تىركەلدى. جەكە ۇيلەردە 12 926 ءۇي قۇسى، سونداي-اق سولتۇستىك قازاقستانداعى قۇس فابريكالارىندا 41 مىڭ قۇس قىرىلدى. ايماقتاردى ءبولىپ قارايتىن بولساق، سقو-دا 27 اۋداندا (11 اۋداندا) قۇستىڭ قىرىلۋ فاكتىسى تىركەلدى. ونىڭ ىشىندە قۇس تۇماۋى 23 ەلدىمەكەندە (8 اۋداندا) راستالدى. تيىسىنشە 17 قىركۇيەكتەن باستاپ اۋىل شارۋاشىلىعى مينيسترلىگى سولتۇستىك قازاقستانداعى جەتى اۋداننان جانە ايىرتاۋ اۋىلدىق وكرۋگىنەن قۇس ونىمدەرىن شىعارۋعا ۋاقىتشا تىيىم سالدى»، - دەدى گۇلميرا يساەۆا.

قۇس ونىمدەرىن سىرتقا شىعارۋعا تىيىم سالىنعان جەتى اۋداننىڭ قاتارىندا تيميريازەۆ، جامبىل، قىزىلجار، تايىنشا، شال اقىن، ع.مۇسىرەپوۆ جانە م.جۇماباەۆ اۋداندارى بار.

ۆيتسە-ءمينيستردىڭ ايتۋىنشا، 19-21 قىركۇيەك ارالىعىندا «بەسكول» قۇس فابريكاسىندا 41 مىڭعا تارتا قۇس قىرىلعان. اقمولا وبلىسىندا 5 اۋداننىڭ 9 اۋىلىندا قۇستىڭ قىرىلۋ فاكتىسى تىركەلىپتى. جالپى 286 قۇس ولگەن. كەسەلدىڭ ودان ءارى تاراۋىنا توسقاۋىل قويۋ ءۇشىن 19 قىركۇيەكتەن باستاپ اقمولا وبلىسىنىڭ جارقايىڭ اۋىلدىق وكرۋگىنەن قۇس ونىمدەرىن سىرتقا شىعارۋعا ۋاقىتشا تىيىم سالىندى.

سونداي-اق، قوستاناي وبلىسىنىڭ 6 اۋدانىندا ىندەت تاراپ،  505 قۇس قىرىلعانى بەلگىلى بولدى.

 

 

سوڭعى جاڭالىقتار