21 قىركۇيەك, 16:02 337 0 پرايمەريز انار لەپەسوۆا

پرايمەريز: الماتىلىق ۇمىتكەرلەر مەديتسينالىق كومەكتىڭ قولجەتىمدىلىگىن ارتتىرۋعا مۇددەلى

الماتىدا ۇگىت-ناسيحاتتىڭ باسىنان پرايمەريز كانديداتتارى 2000-عا جۋىق ءىس-شارا وتكىزدى.

الماتىلىق نۇروتاندىقتار كوبىنە مەديتسينالىق قامتاماسىز ەتۋ ماسەلەلەرىنە الاڭداۋشىلىق بىلدىرۋدە. حالىقتىڭ بارلىق توپتارى ءۇشىن ساپالى مەديتسينالىق كومەكتىڭ قولجەتىمدىلىگى – پارتيا مۇشەلەرىنىڭ كانديداتتارعا قوياتىن نەگىزگى تالابى.

الماتىلىق پارتيا مۇشەلەرى مەديتسينالىق قىزمەت كورسەتۋ سالاسىنداعى ەڭ زاماناۋي تەحنولوگيالاردى ەنگىزۋدى، مەديتسينا قىزمەتكەرلەرىنىڭ كاسىبي دايىندىعىن جەتىلدىرۋ ءۇشىن جاعداي جاساۋدى جانە مەملەكەتتىك مەديتسينالىق مەكەمەلەردە جوعارى بىلىكتى دارىگەرلەردىڭ ءتيىمدى قىزمەت ەتۋى ءۇشىن ىنتالاندىرۋدى تالاپ ەتەدى.

سونداي-اق، قالا كاسىپورىندارىنداعى كاسىپوداق ۇيىمدارىنىڭ مۇشەلەرىن الەۋمەتتىك قورعاۋعا باعىتتالعان ماسەلەلەر كوتەرىلدى. قالانىڭ ەڭبەك ۇجىمدارىنىڭ قىزمەتكەرلەرى لايىقتى جۇمىس جاعدايلارىن جاساۋعا، ەڭبەك زاڭناماسىن جەتىلدىرۋگە، ەڭبەكاقى تولەۋ جۇيەسىنە وزگەرىستەر ەنگىزۋگە مۇددەلى. بازالىق لاۋازىمدىق ايلىقاقىنى زاڭمەن بەلگىلەنگەن ەڭ تومەنگى جالاقى مولشەرىنە اۋىستىرۋ جولىمەن بيۋدجەت سالاسى قىزمەتكەرلەرىنىڭ ەڭبەگىنە اقى تولەۋ جۇيەسىن جەتىلدىرۋگە ەرەكشە نازار اۋدارىلدى.

وتكەن كەزدەسۋلەردىڭ وڭ مىسالى سوزدەن ناقتى ىسكە كوشۋ بولىپ تابىلادى. مىسالى، پرايمەريزگە ۇمىتكەرلەردىڭ ءبىرى المالى اۋدانىنىڭ اكىمى جانە «Nur Otan» پارتياسى المالى قالالىق فيليالىنىڭ توراعاسى بەكقالي تورعاەۆپەن №54 مەكتەپتى كەڭەيتۋ بويىنشا كەزدەسۋ وتكىزدى. سونداي-اق بالالاردىڭ مۋزىكالىق دامۋى ءۇشىن سىنىپتار مەن جەكە عيمارات قوسۋ ماسەلەلەرى كوتەرىلدى.

قر دەنساۋلىق ساقتاۋ ءمينيسترى الەكسەي تسويمەن كەزدەسۋدە پرايمەريز ۇمىتكەرلەرىنىڭ ءبىرى كارانتيندى جەڭىلدەتۋدى جانە بۇزۋشىلار ءۇشىن ايىپپۇلدى كوبەيتۋدى سۇرادى. كارانتين شارالارىن كەزەڭ-كەزەڭمەن جەڭىلدەتۋ، دارىگەرلەردى الەۋمەتتىك قورعاۋ، شاعىن جانە ورتا بيزنەسكە كومەك كورسەتۋ ماسەلەلەرى تالقىلاندى.

سوندىقتان، بۇگىنگى تاڭدا پرايمەريز ۇمىتكەرلەرىنە وزدەرىنىڭ باعدارلامالىق ۋادەلەرىن ورىنداۋ، قوعامنىڭ قازىرگى سىن-قاتەرلەرىنە بايلانىستى قاجەتتى تۇزەتۋلەر ەنگىزۋ بويىنشا بايىپتى جۇمىس قاجەت.

سوڭعى جاڭالىقتار