21 قىركۇيەك, 15:24 773 0 ەكونوميكا ءدىلدا ۋاليبەك

قازىناعا 33 ملرد تەڭگە قايتارىلدى

قارجى مونيتورينگى كوميتەتىنىڭ توراعاسى جانات ەليمانوۆ ەلىمىزدە ۇيىمداسقان ەكونوميكالىق قىلمىس ءورشىپ تۇرعانىن ايتتى. 

«سوڭعى 8 ايدا 44 ۇيىمداسقان ەكونوميكالىق جانە 1394 ەكونوميكالىق قۇقىق بۇزۋشىلىققا قاتىستى قىلمىستىق ءىس قوزعالدى. مۇنىڭ تەڭ جارتىسى اۋىر جانە اسا اۋىر قىلمىس بولدى. قازىناعا قايتارىلعان قارجى مولشەرى 20% ۇلعايىپ، 33 ملرد تەڭگەنى قۇرادى»، – دەدى كوميتەت توراعاسى.

ونىڭ سوزىنشە، قازىر پروكۋراتۋرا ورگاندارى مەن ۇلتتىق قاۋىپسىزدىك كوميتەتى «ستوپ – وبنال» جەدەل پروفيلاكتيكالىق ءىس-شاراسىن جۇزەگە اسىرىپ جاتىر.  بىرلەسكەن جوبا كولەڭكەلى ەكونوميكامەن كۇرەسكە باعىتتالعان.

«قىلمىستىڭ الدىن الۋدىڭ ماڭىزى زور. قارجىنى زاڭسىز اينالدىرۋدىڭ سالدارىنان بيۋدجەتكە ميللياردتاعان سالىق تولەنبەيدى. كوپ جاعدايدا ءبىر كۇندىك فيرمالار ارقىلى زاڭسىز شەشىلگەن  قارجى بيۋدجەتكە تيەسىلى بولىپ جاتادى. وسىندا» ءتاسىل ارقىلى كاپيتال شەتەلگە زاڭسىز شىعارىلادى»، – دەدى جانات ەليمانوۆ.

توراعانىڭ ايتۋىنشا، جاۋاپكەرشىلىگى شەكتەۋلى سەرىكتەستىكتەردىڭ ەسەپشوتى ارقىلى ەكىنشى دەڭگەيلى بانكتتەردەن قاراجاتتى زاڭسىز شەشكەن 60-تان استام ۇيىمداسقان قىلمىستىق  توپ انىقتالدى. ولار 1200-دەن استام باقىلاۋسىز كومپانيا قۇرعان. سول ارقىلى 2 ترلن تەڭگەدەن استام اقشا جىمقىرعان. «وسىعان قاتىستى قىلمىستىق ءىس قوزعالىپ، 98 تۇلعا كۇدىكتى رەتىندە تانىلدى. ولاردىڭ 28-ءى تۇتقىنعا، 29-ى ۇيقاماققا الىندى»، – دەدى كوميتەت توراعاسى.

سوڭعى جاڭالىقتار