21 قىركۇيەك, 12:49 332 0 جاڭالىقتار انار لەپەسوۆا

قازاقستاننان شىعىپ ۇلگەرمەگەن شەتەلدىكتەرگە رۇقسات مەرزىمى ۇزارتىلدى

پاندەمياعا بايلانىستى ەلدەن شىعىپ ۇلگەرمەگەن شەتەلدىك ازاماتتارعا قازاقستاندا تۇرۋ مەرزىمى ۇزارتىلدى. بۇل تۋرالى قر ىشكى ىستەر مينيسترلىگىنىڭ رەسمي وكىلى ءنۇردىلدا وراز مالىمدەدى.

«قازاقستان ۇكىمەتى الەمدىك پاندەمياعا بايلانىستى ەلدەن شىعىپ ۇلگەرمەگەن شەتەلدىك ازاماتتارعا رۇقسات مەرزىمىن 1 قاراشاعا دەيىن سوزۋ تۋرالى شەشىم قابىلدادى. 2020 جىلدىڭ 16 ناۋرىزى مەن 1 قاراشاسى ارالىعىندا مەرزىمى ءوتىپ كەتكەن قۇجاتتار عانا قابىلدانادى. سونىمەن بىرگە، ەلىمىزگە ۆيزاسىز كەلىپ، قايتا ەلىنە ورالىپ ۇلگەرمەگەن شەتەلدىكتەر ءۇشىن 1 قاراشاعا دەيىن تۇرۋعا رۇقسات بەرىلەدى. ەڭ ماڭىزدىسى – 1 قاراشاعا دەيىن ەلدە قالۋ مەرزىمىن بۇزىپ، كەتە الماي قالعانى ءۇشىن شەتەلدىكتەردى جانە ولاردى قارسى العان ازاماتتار دا اكىمشىلىك جاۋاپكەرشىلىككە تارتىلمايدى، - دەدى ءنۇردىلدا وراز.

 

سوڭعى جاڭالىقتار