21 قىركۇيەك, 11:47 374 0 جاھان انار لەپەسوۆا

ءتورت قابىرعاعا قايتا قامالعان يسپاندار نارازىلىققا شىقتى

مادريد تۇرعىندارى نارازىلىق شەرۋىنە شىقتى. جەرگىلىكتى تۇرعىندار قالادا كارانتيندىك شەكتەۋلەردىڭ قايتا ەنگىزىلۋىنە قارسى.

ەستەرىڭىزدە بولسا، بۇعان دەيىن مادريد بيلىگى قالانىڭ بىرنەشە اۋدانىندا شەكتەۋ شارالارىن قاتاڭداتقانىن حابارلاعانبىز.

شەكتەۋ ەنگىزىلگەن اۋدانداردىڭ تۇرعىندارى ۇيلەرىنەن تەك جۇمىسقا، مەكتەپكە نەمەسە دارىگەرگە قارالۋ ءۇشىن عانا شىعا الادى. ساياباقتار جابىلىپ، دۇكەندەر كەشكى ساعات 10-نان كەيىن جۇمىس ىستەمەيدى. سونداي-اق، تۇرعىندارعا 6 ادامنان ارتىق جينالۋعا تىيىم سالىندى.

نارازىلىق اكتسياسىنا شىققان جەرگىلىكتى تۇرعىنداردىڭ سوزىنشە، كارانتين ماسەلەنى شەشپەيدى.

«شەكتەۋلەر نەگىزىنەن تۇرمىسى ورتاشا اۋداندارعا ەنگىزىلگەن. بۇل شارالار ونسىز دا ەكونوميكالىق قيىندىقتاردى باستان كەشىپ جاتقان تۇرعىنداردىڭ جاعدايىن ودان سايىن قيىنداتا تۇسەدى»، - دەيدى نارازى توپ.

ايتا كەتەيىك، پاندەميا باستالعالى يسپانيادا 640 مىڭنان استام ادام كوروناۆيرۋس جۇقتىرعان. ىندەتتەن 30,5 مىڭعا جۋىق نايقاس كوز جۇمدى.

ال الەمدە ىندەتكە شالدىققاندار سانى 31 ميلليونعا جۋىقتادى. قاتەرلى ۆيرۋس 959 مىڭنان استام ادامنىڭ ءومىرىن جالمادى.

كوروناۆيرۋس قۇرباندارىنىڭ سانى جونىنەن اقش، برازيليا مەن ءۇندىستان الدا تۇر. اقش-تا 199 مىڭنان اسا ادام قايتىس بولسا، برازيليادا 137 مىڭعا جۋىق، ال ءۇندىستاندا 87 مىڭعا جۋىق نايقاس كوز جۇمدى.

سوڭعى جاڭالىقتار