20 قىركۇيەك, 12:15 356 0 پرايمەريز انار لەپەسوۆا

پرايمەريز كانديداتتارى الماتىلىقتاردى قالا كۇنىمەن قۇتتىقتادى (ۆيدەو)

بۇگىن پرايمەريزگە قاتىسۋشىلار وزدەرىنىڭ جەكە پاراقشالارىندا الماتىلىقتاردى قالا كۇنىمەن قۇتتىقتادى.

پارتيا مۇشەلەرى ءوز ۇندەۋىندە بۇل مەرەكە بارلىق ماماندىق، جاس جانە ۇلت وكىلدەرىن بىرىكتىرەتىنىن ءبىر ۇعىم – اركىمنىڭ ءوز تۋعان قالاسىنا دەگەن سۇيىسپەنشىلىگىن اتاپ ءوتتى.

الماتى - ەرەكشە قالا، ول كەرەمەت ەنەرگەتيكاسى مەن بەدەلى بار قازاقستاننىڭ ءىرى مەگاپوليسى بولىپ تابىلادى. قالانىڭ دامۋى مەن تاڭعاجايىپ تاريحىنا شامامەن 1000 جىل تولىپ وتىر.

قالا قۇرىلعاننان بەرى كوپتەگەن ومىرلىك سىندارعا تاپ بولدى، بىراق الماتىلىقتار ولاردى ءاردايىم جەڭە ءبىلدى.

بيىلعى جىلى دا سولاي بولدى. پرايمەريزگە قاتىسۋشىلاردىڭ ءبىرىنىڭ ايتۋىنشا، الماتى قالاسىنىڭ تۇرعىندارى وسى جىلى وسىنداي قيىن كەزەڭ – پاندەميا كەزىندە ەرەكشە توزىمدىلىك پەن ۇيىمشىلدىق تانىتتى.

«ءبىز دارىگەرلەردىڭ، ەرىكتىلەردىڭ جانە ءبىز ءۇشىن وسى قيىن ۋاقىتتا ايانباي قىزمەت اتقارعان، ءوز ۇلەسىن قوسقانداردىڭ ەڭبەگىن كوبىرەك باعالاي باستادىق»،-دەدى ۇمىتكەر ءوز قۇتتىقتاۋىندا.

«Nur Otan» پاندەميا كەزىندە دە شەتتە قالماعانىن اتاپ ءوتۋ كەرەك. وسى كەزەڭدە قالا تۇرعىندارىنا كومەك كورسەتۋ ماقساتىندا پارتيانىڭ قالالىق فيليالى قالانىڭ 150 مىڭنان استام از قامتىلعان وتباسىلارعا قولداۋ كورسەتتى. ونىڭ ىشىندە «Almaty Birgemiz» قورى ارقىلى 50 مىڭ تەڭگە كولەمىندەگى ماتەريالدىق كومەك، ازىق-تۇلىك سەبەتتەرى، سانيتارلىق قورعاۋ قۇرالدارى، كۇندەلىكتى ىستىق تاماق، مەديتسينالىق ماسكالار جانە ت.ب. زاتتار بەرىلدى. بۇل رەتتە الماتىلىق «Jas Otan» ەرىكتىلەرى مەن پارتيا مۇشەلەرىنىڭ وزدەرى دە ماڭىزدى ءرول اتقاردى.

قۇتتىقتاۋلارعا «Nur Otan» پارتياسى قالالىق فيليالى توراعاسىنىڭ ءبىرىنشى ورىنباسارى ستانيسلاۆ كانكۋروۆ تا قوسىلدى. ءوزىنىڭ الەۋمەتتىك جەلىسىندەگى جەكە پاراقشاسىندا ول بارلىق الماتىلىقتاردى مەرەكەمەن قۇتتىقتاپ، جىلدان جىلعا قالانىڭ زاماناۋي جانە تىلسىم كورىككە يە بولىپ كەلە جاتقانىن اتاپ ءوتتى. بۇل ءبىزدىڭ باستى بايلىعىمىز – قالامىزدى شىن جۇرەكتەن جاقسى كورەتىن الماتىلىقتاردىڭ ۇلكەن ەڭبەگى.

«بارشامىزدى ورتاق ماقسات – قالانى جاقسارتۋ جانە ىڭعايلى ەتۋ بىرىكتىرۋدە. بارلىعىن وسى ايتۋلى كۇنمەن قۇتتىقتايمىن جانە تۇرعىندارعا كۇش-قۋات، شاتتىق، جاڭا ىستەر مەن جەتىستىكتەرگە شابىت تىلەيمىن. بارلىق جوسپارلار ورىندالسىن»، - دەپ جازدى ول.

ءوز كەزەگىندە «Nur Otan» پارتياسىنىڭ الماتى قالالىق فيليالى قۇتتىقتاۋلارعا قوسىلىپ، جەرلەستەرىمىزگە كوتەرىڭكى كوڭىل-كۇي، تابىس، باقىت، زور دەنساۋلىق جانە اماندىق تىلەيدى!

سوڭعى جاڭالىقتار