19 قىركۇيەك, 10:47 3133 0 جاڭالىقتار اسىل تۇمار

دەمالىس كۇندەرى كەي وڭىردە ۇسىك جۇرەدى – قازگيدرومەت

«قازگيدرومەت» رمك قازاقستاننىڭ 9 وبلىسىندا اۋا رايىنا بايلانىستى ەسكەرتۋ جاريالادى.

19 قىركۇيەكتە اقتوبە وبلىسىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى.

19-20 قىركۇيەكتە الماتى وبلىسىنىڭ كەي جەرلەرىندە تۇندە جەردىڭ بەتىندە 1-3 گرادۋس ۇسىك جۇرەدى.

19 قىركۇيەكتە اتىراۋ وبلىسىندا كەي جەرلەرىندە نوسەر جاۋىن جاۋىپ، نايزاعاي ويناپ، جەل سەكۋندىنا 15-20 مەتر جىلدامدىقپەن سوعادى.

جامبىل وبلىسىندا كەي جەرلەردە نايزاعاي ويناپ، تۇمان تۇسەدى، جەلدىڭ كۇشى سەكۋندىنا 15-20 مەتر بولادى. تۇندە كەي جەرلەردە جەردىڭ بەتىندە 1-3 گرادۋس ۇسىك جۇرەدى.

باتىس قازاقستان وبلىسىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى، كەي جەرلەردە نايزاعاي ويناپ، داۋىل تۇرادى، بۇرشاق، كۇندىز نوسەر جاڭبىر جاۋادى.

قىزىلوردا وبلىسىندا جەل سەكۋندىنا 15-20 مەتر جىلدامدىقپەن ەسەدى. كۇندىز ءورت قاۋپى وتە جوعارى بولادى.

ماڭعىستاۋ وبلىسىندا كەي جەرلەردە نايزاعاي ويناپ، شاڭدى داۋىل تۇرادى، جەل سەكۋندىنا 15-20 مەتر جىلدامدىقپەن سوعادى، كۇندىز ەكپىنى سەكۋندىنا 23 مەترگە جەتەدى.

سولتۇستىك قازاقستان وبلىسىندا تۇمان ءتۇسىپ، جەلدىڭ كۇشى سەكۋندىنا 15-20 مەترگە جەتەدى.

تۇركىستان وبلىسىندا جەل كۇشەيىپ، جىلدامدىعى سەكۋندىنا 15-20 مەتر بولادى.

توتەنشە جاعدايلار مينيسترلىگى ازاماتتاردى اۋا-رايىنىڭ وزگەرىستەرىن باقىلاپ، اۋا رايىنا بايلانىستى ەسكەرتۋ تۋرالى حابارلامالاردى تىڭداپ، قاجەتتى ساقتىق شارالارىن ساقتاۋعا شاقىرادى.

 

سوڭعى جاڭالىقتار