18 قىركۇيەك, 18:15 476 0 جاڭالىقتار ءدىلدا ۋاليبەك

«جاھاندىق جاڭالىق» كونفەرەنتسياسى ءوتتى

بۇگىن، 18 قىركۇيەك كۇنى حالىقارالىق تۇركى اكادەمياسىنىڭ ۇيىمداستىرۋىمەن جانە قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنىڭ قولداۋىمەن عالامدىق، ياعني ماڭگى، تۇراقتى كۇنتىزبەگە ارنالعان «جاھاندىق جاڭالىق» اتتى كونفەرەنتسيا  وتتى. 

القالى جيىنعا حالىقارالىق تۇركى اكادەمياسىنىڭ پرەزيدەنتى، قر ۇعا اكادەميگى، تاريح عىلىمدارىنىڭ دوكتورى دارحان قىدىرالى، قازاقستاننىڭ ەڭبەك سىڭىرگەن قايراتكەرى، حالىقارالىق جوعارى مەكتەپ عىلىم اكادەمياسىنىڭ اكادەميگى، فيلولوگيا عىلىمدارىنىڭ دوكتورى، پروفەسسور ءادىل احمەتوۆ، حالىقارالىق اكمەولوگيا عىلىم اكادەمياسىنىڭ  اكادەميگى، حالىقارالىق پلاتون سىيلىعىنىڭ يەگەرى سايلىباي بەكبولاتوۆ، مەملەكەت جانە قوعام قايراتكەرلەرى، عالىمدار، زيالى قاۋىم وكىلدەرى قاتىستى.

باسقوسۋعا بەلگىلى عالىم سايلىباي بەكبولاتوۆتىڭ عالامدىق  كۇنتىزبەگە قاتىستى تۇجىرىمدارى مەن ۇسىنىستارى ارقاۋ بولدى. عالىمدار ماڭگى تۇراقتى كۇنتىزبە تۋرالى بايانداما جاساپ، ەجەلگى تۇركىلىك تانىمنان باستاۋ العان 13 اي/28 كۇندىك ماڭگى تۇراقتى كۇنتىزبەنىڭ ادامزاتقا بەرەتىن تاعىلىمى جايىندا  پايىمدى پىكىرلەرىمەن ءبولىستى.

ايتا كەتەيىك، بيىل جاڭا كۇنتىزبەنى ويلاپ تاپقان عالىم س.بەكبولاتوۆتىڭ وڭتۇستىك افريكا مەملەكەتىندە اعىلشىن تىلىندە جارىق كورگەن «Unified, Constant Calender» («ماڭگى تۇراقتى كۇنتىزبە») اتتى مونوگرافياسى عىلىمي جاڭالىق رەتىندە باتىس ەلدەرىنە كەڭ تارالىپ، Google عالامتور جۇيەسىنە رەسمي تىركەلدى. تۇراقتى، ماڭگى كۇنتىزبەنىڭ ەلەكتروندىق نۇسقاسى جاساقتالىپ، ول دا Google تالاپتارىنا سايكەس تىركەلىپ، رەسمي اينالىمعا ەنگىزىلدى.

وسىلايشا قازاق عالىمى سايلىباي بەكبولاتوۆ استرونوميا، جاراتىلىستانۋ، ماتەماتيكا جانە يادرولىق فيزيكا سەكىلدى ىرگەلى عىلىمدارمەن قاتار كيەلى كىتاپتاردا تۇرعان باعالى دەرەككوزدەردى  ۇتىمدى پايدالانا وتىرىپ، عاسىر جۇمباعىن شەشىپ، جاھاندىق دەڭگەيدە ءىرى جاڭالىق اشتى.

بۇل ورايدا مايا وركەنيەتىندەگى ساۋەگەيلىك پەن كۇنتىزبەلەر جۇيەسىنىڭ عىلىمي نەگىزدەرىن شيرەك عاسىر بويى زەرتتەگەن عالىم، قازاقستاننىڭ ەڭبەك سىڭىرگەن قايراتكەرى، فيلولوگيا عىلىمدارىنىڭ دوكتورى ءادىل احمەتوۆ قول جەتكىزگەن ناتيجەلەرى دە وزىمەن ارىپتەس عالىم سايلىباي بەكبولاتوۆ زەرتتەۋلەرىنىڭ نەگىزسسىز ەمەس ەكەنىن دالەلدەدى.

سوڭعى جاڭالىقتار