18 قىركۇيەك, 17:27 443 0 جاڭالىقتار اسىل تۇمار

111 شۇعىل قىزمەتىنە 17 كۇن ىشىندە 228 ءوتىنىش كەلىپ ءتۇستى

«Nur Otan» پارتياسى جانىنداعى «111 شۇعىل قىزمەتى» باي̆لانىس ورتالىعى جۇمىسىن باستاعان كۇننەن بەرى، ياعني 17 كۇن ىشىندە ورتالىققا ءتۇرلى ماسەلەلەر مەن باعىتتار بوي̆ىنشا 228 ءوتىنىش كەلىپ ءتۇستى. بۇل تۋرالى بالالار قۇقىعىن قورعاۋ جونىندەگى رەسپۋبليكالىق كەڭەس ءتورايىمى دينارا زاكيەۆا مالىمدەدى. 

ونىڭ ىشىندە قاۋىپسىزدىك ماسەلەلەرى – 6, جۇمىسپەن قامتۋ جانە ەڭبەك ماسەلەلەرى بوي̆ىنشا – 2, ءبىلىم بەرۋ – 2, دەنساۋلىق ساقتاۋ – 10, الەۋمەتتىك قورعاۋ – 15, اقپاراتتىق سۇراۋلار – 140, زورلىق-زومبىلىق جانە قاتىگەز قارىم-قاتىناس – 9, وتباسىنداعى قاتىناستار – 12, وزگە دە وتىنىشتەر – 2, پسيحوالەۋمەتتىك ءال-اۋقات – 15, شۇعىل جاعداي̆لار – 5, زاڭ ماسەلەلەرى – 10.

بارلىق وتىنىشتەر بوي̆ىنشا حابارلاسۋشىلارعا شۇعىل پسيحولوگيالىق، زاڭدىق، الەۋمەتتىك جانە قۇقىقتىق كومەك كورسەتىلدى. ءاربىر جاعداي̆دان كەيىن ءبىز ورتاق بەي-جاي قاراماۋشىلىق پەن دەن قويۋىمىزدىڭ قانشالىقتى ماڭىزدى ەكەنىن ءتۇسىنىپ كەلەمىز. ءبىر قوڭىراۋ ارقىلى ءبىز بىرەۋدىڭ ءومىرىن ساقتاپ، وتباسىعا، اي̆ەلگە نەمەسە بالالارعا كومەكتەسە الامىز.

✅وزدەرىڭىز بىلەتىندەي̆، ورتالىق بارلىق مەملەكەتتىك ورگاندار جانە وڭىرلىك جەدەل ارەكەت ەتۋ توپتارىمەن (2 324 توپ) تىكەلەي̆ كومەك كورسەتەدى. بارلىق وتىنىشتەر وڭىرلىك «Nur Otan» پارتياسى فيليالدارىنىڭ باقىلاۋىندا. بۇل بىرەگەي̆ جاڭا جانە ءتيىمدى ءتاسىل.
ء❗بىز 111 ءنومىرى تۋرالى ءبارىنىڭ بىلگەنىن قالايمىز.

✅ەستەرىڭىزگە سالا كەتەي̆ىك، «Nur Otan» پارتياسى جانىنداعى «111 شۇعىل قىزمەتى» باي̆لانىس ورتالىعى بالالار مەن ەرەسەكتەر وزدەرىنە كومەك قاجەت ەكەندىگى تۋرالى، تۇرمىستىق زورلىق-زومبىلىق، بالالاردىڭ قۇقىقتارىنىڭ بۇزىلۋى تۋرالى، بالانىڭ كوشەدە، ۇي̆دە، كولىكتە جالعىز قالعانى تۋرالى، ومىرىنە جانە دەنساۋلىعىنا قاۋىپ ءتونىپ تۇرعاندىعى، زورلىق-زومبىلىق نەمەسە قاتىگەزدىك جاسالىنعاندىعى تۋرالى حابارلاۋعا نەمەسە بىرەۋ بالالارعا قاۋىپ توندىرەتىن وبەكتىنى، مىسالى، اشىق ليۋكتى، قاۋىپتى جوعارى ۆولتتى ەلەكتر جەلىسىن، اشىق سۋ كوزىن كورگەنىن حابارلاۋ ءۇشىن اشىلادى.
ەگەر ءسىز كىشكەنتاي̆ بالانىڭ قاراۋسىز قالعانىن، وعان قاۋىپ ءتونىپ تۇرعانىن كورسەڭىز; بالاعا نەمەسە اي̆ەلگە قاتىستى قاتىگەزدىك، زورلىق-زومبىلىق قولدانىلۋى مۇمكىن ەكەنىن بىلسەڭىز، ولاردىڭ قۇقىقتارىنىڭ بۇزىلىپ جۇرگەنىن بىلسەڭىز، 111 نومىرىنە قوڭىراۋ شالۋعا كۇماندانباۋىڭىزدى سۇراي̆مىز.

✅111 ءنومىرى – كونفيدەنتسيالدى.
✅ ء111نومىرى – 24/7 جۇمىس ىستەيدى.
✅ 111 ءنومىرى – تاۋلىك بويى ءىىد جانە وڭىرلىك جەدەل ارەكەت ەتۋ توپتارىمەن بايلانىستا.
✅ بارلىق قوڭىراۋلار تىركەلەدى. ءاربىر قوڭىراۋ شالۋشىعا قانداي شارالار قابىلدانعانى تۋرالى كەرى بايلانىس بەرىلەدى.

✅ارقايسىمىزدىڭ بۇل تاقىرىپقا بارىنشا قىزىعۋشىلىق تانىتۋىمىز ماڭىزدى. بالانىڭ، ايەلدەردىڭ ءومىرى مەن دەنساۋلىعىنا قاۋىپ تونگەنىنە كۇدىك تۋعان جاعدايدا تۇرمىستىق زورلىق-زومبىلىققا نولدىك توزىمدىلىك تانىتىپ، 111-گە حابارلاۋلارىڭىز قاجەت.

✅ 111 ءنومىرى بالالاردىڭ، وتباسى مەن ايەلدەردىڭ قۇقىقتارىن قورعاۋعا بايلانىستى بارلىق ماسەلەلەر بويىنشا وتىنىشتەر قابىلدايدى.
قىزمەت جۇمىسى پارتيانىڭ رەسپۋبليكالىق قوعامدىق قابىلداۋ بولمەسى بازاسىندا بارلىق مەملەكەتتىك ورگاندار، وڭىرلەردە اشىلعان جەدەل ارەكەت ەتۋ توپتارى جانە «Nur Otan» پارتياسىنىڭ فيليالدارىمەن ءوزارا ارەكەتتەستىك جاساي وتىرىپ جۇزەگە اسىرىلادى.

ستاتيستيكاعا سۇيەنسەك، جىلىنا بالالارعا قاتىستى 2000-نان استام قىلمىس جاسالادى، ولاردىڭ 700-گە جۋىعى جىنىستىق قول سۇعىلماۋشىلىققا قارسى. ەڭ وكىنىشتىسى، بالالارعا قاتىستى زورلىق-زومبىلىقتىڭ 60% - ى وتباسىندا ورىن الادى.

✅ ارقايسىمىز 111 نومىرىنە ۋاقىتىلى حابارلاۋ ارقىلى بالالاردىڭ قورعاۋشىسى بولا الامىز. ادەتتە، تەرگەۋ كەزىندە ورىن العان قىلمىستىڭ كۋاگەرلەرى بولعانى بەلگىلى بولادى. كورشىلەر بىردەڭەنىڭ دۇرىس ەمەس ەكەنىن بايقاسا دا، نە ىستەۋ كەرەكتىگىن بىلمەدى، ارالاسقىسى كەلمەدى.

سونىمەن قاتار، ەلدەگى زورلىق-زومبىلىقتىڭ الدىن الۋ ءۇشىن:
✅ ماۋسىم ايىندا كەڭەس وڭىرلەرمەن بىرلەسىپ، "باقىتتى وتباسى"  جول كارتاسى اياسىندا بارلىق وڭىرلەردە جەدەل ارەكەت ەتۋ توپتارىن اشا باستادى. قازىرگى ۋاقىتتا 2 324 توپ اشىلدى (جەرگىلىكتى اتقارۋشى ورگانداردىڭ فۋنكتسيونالدىق مىندەتتەرى شەڭبەرىندە). توپتاردىڭ مىندەتى-قيىن ومىرلىك جاعدايداعى وتباسىلارعا كومەكتەسۋ، وتباسىلىق-تۇرمىستىق زورلىق-زومبىلىقتى انىقتاۋ، جابىرلەنۋشىلەرگە كەشەندى جانە ۋاقتىلى كومەك كورسەتۋ جانە ەڭ باستىسى ناتيجەنى باقىلاۋ. ءار توپتىڭ ءوز مودەراتورى، بولىمشەلىك پوليتسيا قىزمەتكەرى، الەۋمەتتىك پەداگوگ، پاتروناتتىق مەيىربيكە، پيك جۇمىسشىسى جانە بەلسەندىلەرى بار.

✅ بۇگىندە كەڭەس بالالار مەن وتباسىلىق - تۇرمىستىق زورلىق-زومبىلىقتىڭ الدىن-الۋ جانە قورعاۋ جونىندەگى زاڭناماعا وزگەرىستەر ەنگىزۋ بويىنشا ءماجىلىس توبىندا جۇمىس ىستەيدى. ءبىز ۇرىپ-سوعۋ، ازاپتاۋ، زورلىق-زومبىلىق بويىنشا جازانى قاتاڭداتۋدان باستاپ، جەتىم بالالاردىڭ تۇرعىن ءۇي الۋ ماسەلەلەرىنە دەيىن ۇسىنىستارىمىزدى ەنگىزدىك. قازىر مەملەكەتتىك ورگانداردىڭ ۇسىنىستاردى قولداپ، كەلىسۋى ماڭىزدى.

ء✅بىلىم مينيسترلىگى پارتيانىڭ اقپان ايىنداعى حاتتامالىق تاپسىرماسىنا سايكەس باسقا مەملەكەتتىك ورگاندارمەن بىرلەسىپ، زورلىق-زومبىلىقتى انىقتاۋ ءۇشىن مەكتەپتەردە بىرىڭعاي ادىستەمە ازىرلەيدى.

✅ ايتا كەتەرلىك ءجايت، كەڭەستىڭ جۇمىس توبى ءىس-ساپارمەن 220 ەلدى مەكەندى، ونىڭ ىشىندە ەڭ شالعاي اۋىلداردى ارالاپ شىقتى، وتباسى جانە بالالار ماسەلەلەرى بويىنشا جەرگىلىكتى قىزمەتتەردىڭ قالاي جۇمىس ىستەيتىنىنە، مەكەمەلەردىڭ جاعدايى مەن جاعدايىنا تالداۋ جاسادى. 6 اقپاندا وڭىرلەردەگى جۇمىس قورىتىندىسى بويىنشا كەڭەس الاڭىندا بالالار ۇيلەرىندەگى، مەكتەپتەردەگى، ينتەرناتتارداعى، مەديتسينالىق - الەۋمەتتىك مەكەمەلەردەگى جاعدايلاردان باستاپ، زورلىق-زومبىلىق پەن سۋيتسيد ماسەلەلەرىنە دەيىنگى بارلىق ماسەلەلەر تالقىلاندى. قازىرگى ۋاقىتتا ينتەرناتتاردا، مەكتەپتەردە (سۋ، كارىز جوق جەرلەردە) جوندەۋ جۇمىستارى جۇرگىزىلۋدە. ءمام ءۇشىن نۇرسۇلتان نازارباەۆ قورىنىڭ قولداۋىمەن قىزمەتكەرلەر ءۇشىن وقىتۋ ۇيىمداستىرىلادى. ءسۋيتسيدتىڭ الدىن الۋ ماسەلەلەرى بويىنشا جۇمىس جۇرگىزىلۋدە.

✅10 وبلىستا ءسۋيتسيدتىڭ الدىن الۋ ماسەلەسى بويىنشا جۇيەلى تاسىلدەر مەن ادىستەمەلەردى ەنگىزۋ بويىنشا جۇمىس جۇرگىزىلۋدە ( 5 وبلىستا قازىردىڭ وزىندە بار).

سوڭعى جاڭالىقتار