18 قىركۇيەك, 11:27 638 0 جاڭالىقتار اسىل تۇمار

«Tengri Bank» ليتسەنزياسىنان ايىرىلدى: بانك سالىمشىلارى اقشاسىن قالاي الادى؟

سۋرەت اشىق دەرەككوزدەن الىندى
سۋرەت اشىق دەرەككوزدەن الىندى

قر قارجى نارىعىن رەتتەۋ جانە دامىتۋ اگەنتتىگى Tengri Bank-ءتى بانكتىك جانە وزگە دە وپەراتسيالاردى جۇرگىزۋ ليتسەنزياسىنان ايىردى. بانك سالىمشىلارى ونداعى اقشالارىن قالاي الادى؟

قازاقستاننىڭ دەپوزيتتەرگە كەپىلدىك بەرۋ قورىنىڭ حابارلاۋىنشا، «Tengri Bank» اق جەكە تۇلعالاردىڭ دەپوزيتتەرىنە مىندەتتى كەپىلدىك بەرۋ جۇيەسىنىڭ قاتىسۋشىسى بولىپ تابىلادى، ياعني جەكە تۇلعالار مەن جەكە كاسىپكەرلەردىڭ سالىمدارى، اعىمداعى شوتتارى مەن تولەم كارتوچكالارىنداعى اقشالارىنا «قازاقستاننىڭ دەپوزيتتەرگە كەپىلدىك بەرۋ قورى» اق (قدكبق) كەپىلدىگى قولدانىلادى.

«بۇل دەگەنىمىز، اگەنتتىك بانكتىڭ اكتيۆتەرى مەن مىندەتتەمەلەرىن باسقا بانككە ءبىر مەزەتتە وتكىزۋ وپەراتسياسىن جۇرگىزۋدەن باس تارتقان جاعدايدا، قدكبق سالىمشىلارعا كەپىلدىك بەرىلگەن وتەمدى تولەۋ شاراسىن جۇزەگە اسىرادى. قدكبق وتەم تولەۋدى باستاۋ كۇنىن زاڭنامادا بەكىتىلگەن مەرزىمدە حابارلايدى. ياعني، تولەمدەردى جۇزەگە اسىرۋ شاراسى رەسمي حابارلاما قور سايتىندا جانە بۇقارالىق اقپارات قۇرالدارىندا جاريالانعان كۇننەن باستاپ، 5 جۇمىس كۇنى ىشىندە باستالادى»، – دەلىنگەن قوردىڭ ءباسپاسوز قىزمەتى تاراتقان حابارلامادا.

 

سوڭعى جاڭالىقتار