19 قىركۇيەك, 13:11 506 0 جاھان ءدىلدا ۋاليبەك

پاندەميا داعدارىسى بالالاردىڭ نەكەلەسۋى مەن ادام ساۋداسىنىڭ وسۋىنە اكەلەدى

كوروناۆيرۋس پاندەمياسى ۇندىستانداعى احۋالدى ودان ءارى ناشارلاتقان. قازىرگى كەزدە ىندەتتىڭ سالدارىنان باستالعان داعدارىستان بالالار زارداپ شەگىپ جاتىر. ەلدە بالالاردىڭ ەڭبەگى مەن ەرتە نەكەلەسۋى كوبەيدى، - دەپ حابارلايدى Divya Arya BBC.

يۋنيسەف ۇيىمىنىڭ  دەرەگى بويىنشا جىل سايىن ءۇندىستاندا 18 جاسقا تولماعان 1,5 ميلليوننان استام قىز تۇرمىس قۇرادى. بىراق بۇل - ەلدە زاڭعا قايشى ارەكەت سانالادى.

Childline سەنىم تەلەفون جەلىسى ماۋسىم مەن شىلدە ايلارىندا قىزداردىڭ ەرتە ۇيلەنۋىنە بايلانىستى اپات قوڭىراۋلارىنىڭ وتكەن جىلمەن سالىستىرعاندا 17 پايىزعا وسكەنىن حابارلادى.

مامانداردىڭ ايتۋىنشا، مەكتەپتەردىڭ جابىلىپ، كەدەيلىك دەڭگەيىنىڭ وسۋىنە بايلانىستى قىزدارىنىڭ تادىرىنا الاڭداعان اتا-انالار ولاردى تۇرمىسقا بەرۋگە اسىققان. بۇعان توي جاساۋدىڭ شەكتەلۋى دە ءبىراز اسەر ەتكەن.

ەلدە سونىمەن قاتار ۇل بالالاردىڭ جۇمىسقا تارتىلۋى وسكەن. ءجاسوسپىرىم ۇلدار اكە-شەشەسى مەن وتباسىن اسىراۋ ءۇشىن زاۋىتتاردا جۇمىس ىستەۋگە ءماجبۇر. ءۇندىستاندا بالانى جۇمىسقا تارتۋ قىلمىستىق ءىس بولىپ سانالادى. بىراق سوڭعى حالىق ساناعى بويىنشا، ەلدەگى 260 ميلليون بالاسىنىڭ 10 ميلليونى - جۇمىس ىستەيتىن بالالار.

سوڭعى جاڭالىقتار